Page 356 - Design_Gurcu_Antologiyasi_Layout 1

Görcö nÿsri antologiyası

açır, yalnız öz borclarını yerinә yetirirdilәr.. Adama elә gәlirdi
ki, şәhәri şәr ruhlardan qoruyurlar.
Atası yadına düşdü. Yәqin, o da yatmırdı. Yekәpәr, tәkgöz,
insult keçirmiş kişi gecә oyaq qalır, gündüzsә öz kreslosunda
mürgülәyirdi. Ata-oğul bir-birinә çox oxşayırdı, eyni cür höcәt
vә düşüncәsiz idilәr; sifәtdәn dә bir-birinә bәnzәyirdilәr, eyni
xoşagәlmәz hәyat tәrzi keçirir, elә bilirdilәr ki, indicә hәr şey
sona çatacaq. İkisi dә son mәhkәmәni gözlәyәn tamamilә
bezmiş, silah kimi boşalmış әsirlәri xatırladırdı. Bilirdilәr ki,
yaxşı heç nәyә layiq deyillәr, amma eyni tale yaşayan adamlar
kimi bir-birini sevir, birgә yaşamağa çәtinliklә tab gәtirirdilәr.
Bir-birinә demәyә sözlәri qalmamışdı, onsuz da, hәr şey çox-
dan aydın idi, pis keçmiş hәr şeyi udmuşdu, dinib-danışmadan
oturmaq isә daha pis, daha dözülmәz idi... Әsәblәri son hәd -
dәcәn gәrilirdi, o, atasının yanında “öz” kreslosunda әylәşib,
eyvanın açıq qapısından özgә evlәrinә baxırdı. Onlar hәtta bir-
birinә baxmadan gözlәrinin ifadәsini duyurdular. İkisi dә özlәri
üçün әziz olan hәr şeyi itirmişdi. Hәyatları cәhәnnәmә vasil
olmuşdu. İndi isә oturub özlәrinin dәbdә olan sәfeh zarafat -
larına gülürdülәr, elә bil heç nә baş vermәmişdi, ya da qaşlarını
çatıb qızğın hücuma keçmiş döyüşçülәr kimi susurdular; bu
hücum da daha ağıllı vә çevik olanların hәr şeylәrini әllәrindәn
almaları, üstәlik dә, bunu çoxsaylı möhürü olan sәnәdlә
tәsdiqlәmәlәri ilә başa çatmışdı ki, bәs әzәldәn sizin olanlar,
әslindә, çoxdan bizә mәxsus imiş...
Ata-oğul bu işdә bir-birini günahlandırır, elә buna görә dә
dinib-danışmırdılar. Sonra dözmür, söhbәtә başlamaq üçün
356 cәsarәtsiz addımlar atırdılar ki, bu da onları daha çox әsәbilәş -
dirirdi. Ata oğulun nәzәrlәrini tutmağa çalışırdı, hәr ikisinin
dә bir gözü digәrindәn iri idi. Onlar acıqlananda iri gözlәri
kiçilir, kiçik gözlәri isә böyüyürdü. Bir-birinә baxa-baxa,
hiddәtlәnmiş, qәzәbdәn ağıllarını itirmiş halda otururdular.
Sonra ata növbәti vazı ona tolazlayır, hәr ikisinin kiçik gözü
irilәnir, iri gözü daha da böyüyürdü. Bu mәqamda oğlan qaçıb
evdәn çıxır, hәr dәfә dә otaqdan keçәndә nәzәrlәri onlara çox