Page 227 - Danilenko

şan

“Mәnә pislik elәyә bilәcәyinizdәn qorxur”, – Skoroxod 227
yenidәn öskürmәyә başladı.

Hәkim stetoskopu gizlәtdi.
“Öskürәndә ağzınızdan qan gәlir?”
“Hә”
“Tәcili xәstәxanaya getmәlisiniz. Ciddi müayinә olunma-
lısınız. Bәlkә dә, sәtәlcәm olmusunuz. Bizimlә gedәcәksiniz”.
Kişi yatağında qurcalandı.
“Bәs dovşan necә olsun?”
“Bilmirәm!.. – hәkim ayağa qalxdı. – Seçim edin, sizin
üçün hansı daha qiymәtlidir: hәyatınız, yoxsa dovşan?”
Dovşan sahibinin arxasında gizlәnib, ehtiyatla yad adama
baxırdı.
“Onu ata bilmәrәm”, – kişi öskürdü, sinәsi köhnә qarmon
kimi xırıldadı.
“Gәlin rayon xәstәxanasına gedәk. Orada rentgendәn
keçәrsiniz, dәrmanlar alarsınız, sizә müalicә kursu yazıb, geri
gәtirәrәm”
“Bu gün gәtirәcәksiniz?”
“Hә, bu gün.”
“Elә isә, sizinlә gedәrәm”, – Skoroxod yola çıxmağa
hazırlaşdı.
Dovşan atlana-atlana onun arxasınca düşdü, qabaq
ayaqlarıyla döşәmәni cırmaqlamağa başladı.
“Mәn qayıdacağam”, – kişi onun belini tumarladı.
O, dovşan üçün yem qoyub, evin qapısını bağladı.
Xәstәxanada Skoroxod rentgendәn keçdi, Maryan Pron-
yuk adlı hәkim ilkin diaqnozu tәsdiqlәdi. O, bәrk sәtәlcәm
olmuşdu. Amma xәstәxanada qalmaqdan imtina etdi.
“Aptekdәn bu dәrmanları alın, – hәkim resept yazıb narazı
sәslә dedi: – Sәtәlcәm olmusunuz, sizsә dovşan haqqında
düşünürsünüz.”
Skoroxod dәrmanları aldı, hәkim müalicә kursu tәyin edib,
onu Turovetsә apardı. Vidalaşarkәn bәrk-bәrk tapşırdı:
“Otağın havasını tez-tez dәyişin. Viruslar tәmiz havanı
sevmir. Balla çay için, üstünüzә qalın yorğan örtün, tәrlәyin.