Page 124 - Danilenko

Vladimir Danilenko

– Sәndәn pul götürmәyib axı…

İki gün sonra atamı hansısa dövlәt mәmurunun mәclisinә

dәvәt etdilәr. Anam yenә Ptuxaya zәng edib, evә çağırdı –

elektrik şәbәkәsindәki nasazlıqları aradan qaldırmaq lazım idi.

Mәn evә gәlәndә Ptuxayla anam vidalaşırdılar.

– Antonla salamlaş, – anam gülümsündü.

– Axşamınız xeyir!

Ptuxadan zәhlәm getdi – şit-şit gülür, anamı gözlәriylә

yeyirdi. Sәsi dә xoşuma gәlmәdi – burnunun ucunda danışır,

sanki mızıldanırdı.

Anam onun arxasınca qapını örtәn kimi Alisa dillәndi:

– Sәnә nә demişdim?.. Yevgeni Lunya hara, bu hara!..

İki hәftә sonra başa düşdüm ki, anamla Ptuxanın arasında

nәsә olub. Rәfiqәlәr yenә dә mәtbәxdә oturub, söhbәt edirdilәr.

– Onun yanına getmişdin?

– Hә.

– Necәydi?

Anam әllәriylә ağzını tutub, Sisalyuka sarı әyildi vә

qulağına nәsә pıçıldadı.

– Belә de!.. – Sisalyuk özünü saxlaya bilmәyib, ucadan

sәslәndi. – O, harada yaşayır?

– Loxvitskidә. Amma bәzi qәribәliklәri var.

– Nә qәribәliklәri var? – Sisalyukun gözlәri parladı.

Onlar tortla çay içir, qәnaәtlәrini bölüşürdülәr.

– Tәsәvvür edirsәn, mәnzilindә elektrik işığı yoxdur.

– Bәs televizora necә baxır?

– Televizora baxmır. Deyir, televizor manipulyasiya

vasitәsidir, insanları başdan çıxarır.

124 – Ütüdәn dә istifadә etmir?
Anam “Romeo vә Cülyetta” tortundan bir qaşıq götürüb,

mәmnunluqla gülümsündü:

– Onun “Vepr”i dünyada әn böyük cipdir. İyirmidәn çox

adam götürür.

– Mәnzili necәdir?

– Mәnzili kitablar vә rәsm әsәrlәriylә doludur. Hәr şeydәn

ağ neft vә boya qoxusu gәlir.