Page 98 - anderson_Макет 1

Şervud Anderson

LӘYAQӘT

Әgәr ömrünüzün hansısa dönәmindә şәhәrdә yaşamısınızsa
vә günәşli yay günlәrinin birindә yolunuz şәhәrin mәşhur
zooparkına düşübsә, öz dәmir qәfәsindә gözünü döyә-döyә әtrafa
baxan, qәribә vә çirkin görünüşü ilә hamını özünә cәlb edәn,
gözlәrinin altından vә qırmızı rәngli gövdәsindәn tüksüz, eybәcәr
dәrisi sallanan meymunu görmәmiş olmazsınız. Bu meymun әsl
bәdheybәtdir. Hәrdәn adama elә gәlir ki, o, öz çirkinliyinin әn
son hәddindә sanki qәribә gözәlliyә malik bir görkәm alır.
Uşaqlar onu görәndә heyranlıqlarını gizlәdә bilmir, kişilәr ondan
necә iyrәndiklәrini gizlәtmәyә cәhd belә göstәrmir, qadınlarsa
köhnә sevgililәrindәn hansının bu meymuna bәnzәdiyini tapmağa
çalışaraq qәfәsin önündә azacıq lәngiyirlәr.
Vә әgәr hәyatınızın hansısa dönәmindә Ohayonun Vaynzburq
әyalәtindә olmusunuzsa, yәqin ki, siz dә çoxları kimi bu meymunla
bağlı maraqlı bir sirri çözә bilmisiniz. “O meymun necә dә Voş
Vilyamza oxşayır!” Güman ki, Voş Vilyamz haqqında ilk sözünüz
belә olub. Әgәr üstәlik, Voş Vilyamzı axşam işdәn çıxdıqdan
sonra vağzalın hәyәtindә oturan görsәniz, bu oxşarlığı lap çox
hiss edәcәksiniz: “Elә bil eynәn o meymundu ki, qәfәsindә
oturub”.
Teleqraf işçisi olan Voş Vilyamz Vaynzburqun әn eybәcәr
adamıdır. Onun qarnı yekә, boynu vә ayaqları isә kibrit çöpü
kimi nazikdir. Üstәlik, hәddәn artıq pintidir. Ona aid olan hәr
şeydә bu pintiliyin nişanәsini görә bilәrsiniz. Hәtta hәrdәn adama
elә gәlir ki, bu natәmizlik onun gözlәrinin ağına da sirayәt elәyib.
Deyәsәn, burda lap ağ elәdim. Demәk olmaz ki, Voş Vilyamza
aid olan hәr şey pinti vә natәmizdir. O, әllәrinin qeydinә qalmağa
xüsusi diqqәt yetirir. Barmaqları koppuş olsa da, teleqraf idarәsindә
sәnәdlәrlә işlәyәrkәn o әllәrin yaraşığını vә zәrifliyini duya
bilәrsiniz.
Vәzifәsi aşağı endirildikdәn sonra Vaynzburqun qaranlıq teleq -
raf idarәsindә işlәmәyә mәcbur olan Voş Vilyamz gәncliyindә
Ohayonun әn yaxşı teleqraf işçisi sayılırdı. O, hәlә dә bununla
qürur duyurdu.

98