Page 100 - anderson_Макет 1

Şervud Anderson

sevgisi sonradan bütün qadınlara qarşı duyduğu nifrәt hissi qәdәr
şiddәtli idi.
Bütün Vaynzburqda Voş Vilyamzın hәyat hekayәsini cәmi
bir adam bilirdi. Voş bir dәfә bu haqda Corc Villarda danışmışdı.
Corc Villard axşamların birindә yenә xanım Keyt Mekhyunun
qadın şlyapaları mağazasında işlәyәn Bell Karpenterlә gәzmәyә
çıxmışdı. Corc onu sevmirdi. Qızın da, әslindә, adaxlısı var idi;
o, Ed Qirifisin meyxanasında xidmәtçi işlәyirdi. Hәmin axşam
gәzintisindә gecәnin sakitliyindәn, xәlvәtliyindәn hisslәri oyanan
Corc, Belli öpmüşdü. Meyn küçәsi ilә qayıdanda onlar dәmiryol
vağzalının qarşısındakı yaşıl çәmәnlikdәn keçmiş vә ağacın
altında, gecәnin şehindәn islanmış otların üstündә yatan Voş
Vilyamzı görmüşdülәr. Sabahısı gün Voş Vilyamz Corc Villardla
rastlaşmışdı. Onlar gәzә-gәzә dәmir yoluna qәdәr gәlmiş, sonra
isә yolun qırağında çürümәkdә olan taxtaların üstündә oturmuşdular.
Elә onda Voş Vilyamz hәyata, qadınlara qarşı duyduğu nifrәtin
sәbәbini Corca danışmışdı.
Bundan әvvәl dә Corc Villard atasının mehmanxanasında
qalan bu qәribә adamla söhbәt etmәk üçün bir neçә dәfә imkan
әldә etmişdi. O, Voşun nifrәt tökülәn, kin-küdurәt yağan sifәtinә,
qarşıdakı yemәkxanaya zillәnmiş acıqlı gözlәrinә baxanda nәdәnsә
elә düşünmüşdü ki, bu kişi heç kimlә kәlmә kәsmәsә dә, onunla
öz dәrdini paylaşmaq istәyir. Hәmin yay axşamında yol kәnarında
oturduqları zaman da Corc Villard qarşısındakı adamın söhbәtә
başlamasını böyük sәbirsizliklә gözlәyirdi. Amma Voşun
danışmayacağını hiss edәn Corc Villard indi onun durub
gedәcәyindәn qorxaraq söhbәtә birinci özü başladı:
– Siz nә vaxtsa evli olmusuzmu, cәnab Vilyamz? Nәdәnsә
mәnә elә gәlir, siz bir dәfә evlәnmisiniz, sonra hәyat yoldaşınız
ölüb, hә?
Voş Vilyamz ürәyindә olanları acı sözlәrlә danışmağa başladı:
– Hә, ölüb, ölüb, bütün qadınlar kimi o da ölüb. Amma o, diri
ölüdü, bizim kimi adamların arasında gәzәn, öz varlığıyla dünyanı
murdarlayan ölüdü, – Voş gözlәrini oğlanın gözlәrinә zillәdi vә
әsәbdәn sifәti qıpqırmızı qızardı. – Ağlın olsun, dediklәrimi
yaddan çıxarma. Mәnim arvadım ölüb, hә, dedim axı, bütün

100