Page 101 - anderson_Макет 1

Lәyaqәt

qadınlar ölüb, sәnin anan da, mәnim anam da, dünәn axşam
öpdüyün o qız da – hamısı ölüb. Sәn hәlә hiss elәmәmisәn ki,
qadınlar necә murdar mәxluqlardır? Arvadım mәnlә evlәnmәzdәn
әvvәl ölmüşdü. O, qadın da deyildi, nәsә başqa bir murdar
mәxluq idi. O, mәnim hәyatımı zәhәr elәmәk üçün göndәrilmişdi.
Mәn dә axmağıydım o vaxt – sәnin kimi, ona görә dә evlәndim
onunla. İlahi, nә olardı, kişilәr, az da olsa, mәn dediyimi başa
düşәydilәr. Qadınlar dünyanı cәhәnnәmә çevirmәk üçün yaradılıblar.
Onlar yaranıblar ki, biz dünyanı gözәllәşdirә bilmәyәk. Başa
düşürsәn? Bu, tәbiәtin hiylәsidi, tәbiәtin qurduğu tәlәdi. Onlar
sürünәn, qıvrılan, gizlәnәn mәxluqlardır. Onların yumşaq әllәri,
mavi gözlәri olur, adamı aldadırlar. Onları görәndә ürәyim bulanır.
İlahi, kaş mәn hәr gördüyüm qadını öldürә bilәrdim, kaş hamısını
öldürә bilәrdim, kaş öldürә bilәrdim bütün qadınları. Niyә öldürә
bilmirәm axı, niyә?
Corc Villard özündәn çıxmış kişinin qәzәbli danışığından,
gözlәrindәki nifrәt qığılcımlarından azca qorxmuş halda, maraqla
ona qulaq asırdı. Qaranlıq düşmüşdü vә Corc da o qaranlıqda
Voşun sifәtini görmәyә çalışırdı. Birazdan qaranlıq daha da
qatılaşdı, Voşun damarları çıxmış qırmızı sifәti, qәzәbli gözlәri
zülmәtә qarışıb görünmәz oldu. Voş Vilyamz danışdıqca sәsinin
tonu aşağı düşürdü vә bu, onun sәsini daha da qorxulu edirdi.
Voşun söhbәtinә qulaq asa-asa Corca elә gәlirdi ki, yanında
oturan adam qara gözlәrindә gәnclik alovu parlayan, zil qara
saçlı cavan bir oğlandır. Yalnız onda Corc Villard hiss etdi ki,
Voş Vilyamzın necә gözәl sәsi var.
Voş Vilyamzın ilhamı getdikcә artırdı. Ona bu ilhamı verәn
isә nifrәti idi:
– Dünәn sәn o qızı öpәndә gördüm, ona görә bunları sәnә
danışıram. Mәnim başıma gәlәnlәr sәnin dә başına gәlәcәk.
İndidәn deyirәm ki, xәbәrin olsun. Allah bilir, o qızla bağlı nә
xәyallar qurmusan. İstәyirәm hamısını unudasan.
Voş Vilyamz ardınca gәnc yaşlarında Deytonda işlәdiyi vaxt
tanış olduğu sarısaçlı, mavigözlü, hündürboylu o qızla qurduğu
ailә hәyatından danışmağa başladı. Onun danışığında taleyinә
qarşı duyduğu nifrәtlә bәrabәr, bir vaxtlar yaşadığı xoşbәxtliyin

101