Page 106 - anderson_Макет 1

Şervud Anderson

Әslinә qalsa, Ses çox şeyi anasından daha yaxşı anlayıb dәrk
edirdi.Virciniya hәr kәsin hәyata qarşı eyni, әnәnәvi münasibәt
göstәrәcәyini gözlәyirdi. Oğlunu danladığı zaman o, qorxudan
әsmәli vә gözlәrini döşәmәyә zillәmәli idi. Onu bir az da bәrk
tәnbeh elәyәndә ağlamalı idi. Sonra oğlunu bağışlamalı idi.
Yatandan sonra isә gizlicә otağına getmәli vә onu öpmәli idi.
Virciniya Riçmond anlamırdı ki, nәyә görә oğlu bütün bunları
etmir. Onu әn bәrk danladığı vaxtlarda belә nә әsir, nә dә gözlәrini
yerә dikirdi. Әksinә, yenә gözlәrini zillәyib anasına baxırdı vә
bu baxışlar qadının fikrindә narahat şübhәlәr yaratmağa başlayırdı.
Oğlunun otağına getmәk mәsәlәsinә qalanda isә, Sesin on beş
yaşı olandan sonra qadın daha bunu da etmәkdәn çәkinirdi.
On altı yaşında ikәn Ses bir dәfә iki oğlana qoşulub evdәn
qaçmışdı. Onların üçü dә boş yük maşınının açıq qapısından
içәri girmiş vә qırx mil uzaqda yarmarka keçirilәn bir qәsәbәyә
gәlmişdilәr. Oğlanların birindә viski vә böyürtkәn arağının
qarışığından ibarәt içki dә var idi. Onlar maşının arxasında
oturmuşdular. Ayaqlarını aşağı sallayıb yavaş-yavaş içirdilәr.
Sesin dostları mahnı oxuyur vә qatarın keçib-getdiyi stansiyada
dolaşan adamlara әl edirdilәr. Onlar öz ailәlәri ilә birgә yarmarkaya
gәlәn fermerlәrin sәbәtlәrini qapıb almaq üçün fürsәt gözlәyir
vә:
– Biz krallar kimi yaşayacağıq. Yarmarkaya, at yarışlarına
bir qәpik dә xәrclәmәyәcәyik, – deyәrәk lovğalanırdılar.
Ses yoxa çıxandan sonra Virciniya Riçmond evindә o tәrәfә,
bu tәrәfә gedәrәk var-gәl edir, ürәyindәki narahatlığı yatırda
bilmirdi. Növbәti gün şәhәr polisinin araşdırması nәticәsindә
oğlanların nә etdiklәrindәn xәbәr tutsa da, yenә özünü
sakitlәşdirmәyi bacarmadı. Bütün gecәni oyaq halda uzanıb,
saatın tıqqıltısını dinlәyә-dinlәyә fikirlәrә daldı. O düşünürdü ki,
Ses dә atası kimi bir gün öz qәfil vә dәhşәtli ölümü ilә onu
sarsıdacaq. Polisin bu işә qarışmasına imkan vermәk istәmәsә
dә, öz qәzәbini oğluna hiss etdirmәyә Virciniya bu dәfә o qәdәr
qәrarlı vә әmin idi ki, әvvәlcәdәn ona deyәcәyi sәrt vә acı sözlәri
ölçüb-biçdi, axırda da bu sözlәri karandaşla bircә-bircә kağıza
yazdı. Sonra bütün bağçanı gәzә-gәzә öz rolunu mәşq edәn aktyor -
lar sayağı yazdığı sözlәri әzbәrlәmәyә başladı.

106