Page 109 - anderson_Макет 1

Mütәfәkkir

Tom Villard kimi, görәsәn, mәn dә siyasәt haqqında o cür
hәyәcanla danışa, mübahisә edә bilәrәmmi?” – deyә düşündü vә
pәncәrәnin yanından uzaqlaşıb, tәzәdәn dәhlizlә dostu Corc
Villardın otağına tәrәf üz tutdu.
Corc Villard yaşca Ses Riçmonddan böyük idi. Amma o, bu
dostluğa Sesdәn daha çox can atırdı. Corc Villardın işlәdiyi
qәzetin bir mәqsәdi var idi. Hәr buraxılışda qәzet müxbirlәri
çalışırdılar ki, qәsәbә camaatının adını qәzetdә mümkün qәdәr
çox çәksinlәr. Corc otaqda dәli kimi o tәrәfә, bu tәrәfә gedib-
gәlir, qәsәbәdәn kimin şәhәr mәrkәzinә getdiyini, qonşu kәnddәn
qayıdan adamın kim olduğunu bircә-bircә kağızına qeyd elәyirdi.
Bütün günü kağızında qeydlәr aparırdı: “Bu gün samandan
düzәldilmiş şlyapaları, axır ki, A.P.Rinqletә göndәrdilәr. Cümә
günü Ed Byerbaum vә Tom Marşal Klivlenddә idi. Tom Sinninqz,
Volley Roddakı torpaq sahәsindә tәzә tövlә tikir”.
Bir gün nә zamansa Corcun yazıçı olacağı ilә bağlı fikirlәr
ona qәsәbә camaatı arasında hörmәt qazandırmışdı vә Corc Seslә
hәmişә bu haqda danışırdı.
– Hәyatda yaşamağın әn asan yolu budur, – Corc lovğalanaraq
hәyәcanla danışırdı. – Tәsәvvür elә ki, istәdiyin vaxt istәdiyin
yerә gedirsәn, heç kimdәn asılılığın olmur. Amma harda olursan
ol – Hindistanda, ya da Cәnub dәnizlәrindә qayığın içindә – fәrqi
yoxdur, yazmalısan. Bir az gözlә, qoy özümü tanıdım. Sonra
görәrsәn, bu, necә gözәl işdir.
Corc Villardın otağındakı pәncәrәlәr küçәyә, dәmir yoluna
vә dәmir yolu stansiyasının qarşısında yerlәşәn Biff Karterin
qәl yanaltı xanasına tәrәf açılırdı. Ses indi Corcun otağında stulda
әylәşib döşәmәyә baxırdı. Düz bir saatdır masası arxasında
oturub karandaşla oynayan Corc Villard dostunu coşqu vә
hәyәcanla qarşılamışdı.
– Bayaqdan bir sevgi hekayәsi yazmağa çalışıram, – Corc
hәyәcanlı tәbәssümlә dedi vә qәlyanını yandırıb otaqda gәzişmәyә
başladı. – Bilirsәn nә fikirlәşirәm? Mәn kimәsә vurulmaq, kimisә
sevmәk istәyirәm. Sәhәrdәn bәri ancaq bu haqda düşünürәm.
Kimisә sevmәk haqqında. Mәn kimisә sevmәliyәm.

109