Page 92 - anderson_Макет 1

Şervud Anderson

kimi, o çay kәnarındakı yamyaşıl çәmәnliyin üstündә alışıb-
yanan ay işığına necә oxşadığını görәndә Elisi yada salmışdı.
Vaynzburqdakı o qızın isә yaşının üstünә yaş gәlmәkdә idi.
Elisin iyirmi iki yaşı olanda atası qәfildәn dünyasını dәyişdi.
Elisin atası vaxtilә orduda xidmәt göstәrmişdi vә ölümündәn bir
neçә ay sonra onun dul qalmış qadınına müavinәt verilmәyә
başlandı. Qadın ilk pulu ilә toxucu dәzgahı aldı vә xalça toxucusu
kimi işlәmәyә başladı. Elis isә Vinneyin mağazasında özünә iş
tapdı. Bu illәr әrzindә elә bir hadisә baş vermәdi ki, o, Ned
Karinin gәlmәyәcәyinә inanıb birdәfәlik gözlәmәyin daşını atsın.
Elis tәzә işә başladığına görә sevinirdi, çünki mağazadakı
gündәlik iş onun başını qatırdı, hәsrәtinin әzabını azaldırdı. O,
pul yığmağa da başlamışdı vә düşünürdü ki, istәdiyi qәdәr pul
yığandan sonra Nedin yaşadığı şәhәrә gedәcәk vә onu axtarıb
tapacaq.
Elis son görüşlәrindә baş verәnlәrә görә heç dә Nedi
günahlandırmırdı, amma nәdәnsә ona elә gәlirdi ki, heç vaxt
başqa birinә әrә gedә bilmәz. Nedә qarşı illәrdir ürәyindә daşıdığı
o hisslәri indi başqa birinә qarşı bәslәmәk ona çox әcaib bir
xülya kimi görünürdü. Әtrafındakılardan çoxunun Elisdәn xoşu
gәlsә dә, Elis onların heç birinә diqqәt yetirmirdi.
“Mәn onun qadınıyam, o gәlsә dә, gәlmәsә dә, axıracan
onun qadını olaraq qalacam”, – deyә öz-özünә pıçıldayır vә nә
qәdәr cәhd etsә dә, bir şeyi anlaya bilmirdi ki, öz taleyinin sahibi
olaraq, әslindә, hәr bir qadın hәyatdakı bütün istәklәrinә çatmaq
haqqına malikdir.
Elis parça mağazasında sәhәr saat sәkkizdәn axşam altıya
qәdәr işlәyirdi. Hәftәnin üç günü isә axşam yeddidә yenidәn
bura qayıdır vә saat doqquza qәdәr işlәmәyә davam edirdi. Gün -
lәr keçdikcә Elis tәnhalığını daha ağrılı şәkildә duyur vә bütün
tәnha insanlara xas xüsusiyyәtlәr yavaş-yavaş ona da sirayәt
etmәyә başlayırdı. Gecәlәr yuxarıya – öz otağına qalxar, döşәmәnin
üstündә diz çökәr vә dua elәyәrdi. Dualarında isә sevgilisinә
demәk istәdiyi sözlәri pıçıldayardı. Elis yavaş-yavaş cansız
әşyalara bağlanmağa başlamışdı vә o, otağındakı әşyalara kiminsә
әl vurmasına, kiminsә toxunmasına dözә bilmirdi. İndi Elis,
demәk olar ki, pul yığmağı da dayandırmışdı. Onun pul yığmağı

92