Page 88 - anderson_Макет 1

Şervud Anderson

man xanaya tәrәf gәlәn bu balaca vә cәld adamın görünüşü onun
ürә yini açdı.
Qorxu vә hәyәcandan titrәyәn gәnc jurnalist, Co Vellinqlә
Kinqlәrin söhbәt etdiyi otağın qapısı yanında, dәhlizdә dayanıb
onları sanki pusmağa başladı. İçәridәn qoca Edvard Kinqin
söyüşü vә әsәbi gülüşü eşidildi. Sonra sakitlik oldu. Co Vellinq
sәrt vә aydın sәslә danışmağa başladı. Corc Villard dayana
bilmәyib güldü. O, indidәn hәr şeyi başa düşmüşdü: bütün
hәmsöhbәtlәri kimi, Co Vellinq bu iki adamı da bitib-tükәnmәyәn
sözlәri ilә ovsunlayacaqdı. Heyrәtlәnmiş Corc bir-iki dәfә dәhlizdә
o başa, bu başa gedib-gәldi.
Otağın içindә isә Co Vellinq rahat-rahat söhbәtinә davam
edir, Tom Kinqin dәhşәtli hәdәlәrini heç vecinә dә almırdı.
Ağlına gәlәn tәzә ideyanın tәsiri altında qapını örtüb lampanı
yandırdı vә bir çәngә otu döşәmәnin üstünә sәpәlәdi.
– Görün ağlıma nә gәlib, – ciddi tәrzdә dedi. – İstәyirdim bu
haqda Corc Villarda danışım. Bәlkә, qәzetdә xәbәrdәn-zaddan
nәsә yazdı. Yaxşı ki, siz gәldiniz. Kaş Sarah da burda olardı.
Fikrimdә var idi ki, özüm evinizә gәlib, bәzi ideyalarımı sizә
deyim. Çox maraqlı ideyalarım var. Sarah mәni qoymayacaqdı
gәlim. O, savaşacağımızdan qorxur. Amma savaşacağımız hardan
ağlına gәlib, başa düşә bilmirәm. Bu nә axmaq fikirdir.
Çaşıb qalmış bu iki adamın önündә Co Vellinq yuxarı-aşağı
gedib-gәlir vә yeni ideyasını izah edirdi.
– İndi fikriniz mәndә olsun, – qışqırtı ilә dedi. – Bu, çox
önәmli mәsәlәdir. Sadәcә diqqәtlә mәnә qulaq asın. Sizә dә
maraqlı gәlәcәk. Dәqiq bilirәm ki, sizә dә maraqlı gәlәcәk.
Tәsәvvürünüzә gәtirin ki, hansısa möcüzә nәticәsindә bütün bu
mәhsullar – buğda, qarğıdalı, yulaf, noxud, kartof – hamısı yoxa
çıxıb, hamısı tükәnib. Bir dә tәsәvvürünüzә gәtirin ki, burda, bu
qәsәbәdә tәk qalmışıq. Әtrafımıza yekә bir hasar çәkilib. Heç
kim bu hasarı aşa bilmir. Bütün mәhsullar, әrzaqlar da mәhv
olub, yoxa çıxıb. Yalnız bu otlar, bu yabanı bitkilәr qalıb.
Neylәyәcәyik, hamımız acından qırılacağıq? Sizdәn soruşuram.
Acından ölәcәyik?
Tom Kinq donquldanıb nәsә dedi vә sonra araya yenә sakitlik
çökdü. Co Vellinq tәzәdәn ideyası haqqında danışmağa başladı.

88