Page 87 - anderson_Макет 1

Xәyalpәrәst

küçәdәn keçәrkәn sakit vә qәddar görkәmli oğlundan daha
tәhlükәli görünürdü.
Sarah Kinqlә Co Vellinq axşamlar gәzintiyә çıxdıqları vaxt
camaat tәlaş içindә başlarını yellәyirdi. Sarah hündürboy, solğun
üzlü bir qız idi vә gözlәrinin altında qara lәkәlәr var idi. Bu
cütlük kәnardan gülmәli görsәnirdi. Onlar ağacların altı ilә
gәzirdilәr. Co dayanmadan danışırdı. Onun ehtiraslı vә coşqun
sevgi etirafları qәbiristanlıq hasarının qaranlıqlarından, ya da
Votervörks Ponddan Yarmarka Meydanına enәn yamacdakı
ağacların kölgәsindәn eşidilir vә mağazalarda başqaları tәrәfindәn
tәkrar edilirdi. Adamlar “Nyu Villard Hauz” mehmanxanasında
piştaxtanın yanında dayanır, Conun sevgisindәn danışaraq
gülürdülәr. Gülüşlәrdәn sonra araya bir sükut çökürdü. Conun
mәşqçiliyi altında Vaynzburq beysbol komandası bir-birinin
ardınca qәlәbәlәr sәrgilәyir vә qәsәbә әhli Co Vellinqә hörmәt
etmәyә başlayırdı. Amma onlar bir gün hansısa faciәnin baş
verәcәyini hiss edir, hәyәcanlı tәbәssümlә o günü gözlәyirdilәr.
Şәnbә günü axşamüstü qәsәbәnin çoxdan bәri hәyәcanla
gözlәdiyi o görüş – Co Vellinqlә Kinqlәrin görüşü “Nyu Villard
Hauz” mehmanxanasında baş tutdu. Corc Villard da bu görüşә
şahid oldu. Hadisәlәr bu cür cәrәyan etdi:
Corc axşam yemәyindәn sonra öz otağına qayıdanda Tom vә
Edvard Kinqin Conun yarıqaranlıq otağında oturduğunu gördü.
Ağır çәliyi Tomun әlindә idi. O, qapının yanında әylәşmişdi.
Qoca Edvard Kinq isә sağ әli ilә sol bilәyini qaşıya-qaşıya,
hәyәcanla otaqda gәzinirdi. Dәhliz bomboş vә sakit idi.
Corc Villard öz otağına gedib masasının arxasında әylәşdi.
Nәsә yazmaq istәdi, amma әllәri әsdiyindәn qәlәmi tuta bilmәdi.
Ayağa qalxıb, otaqda hәyәcanla var-gәl etmәyә başladı. Bütün
Vaynzburq camaatı kimi Corc da çaşbaş qalmışdı, bilmirdi ki,
neylәsin.
Co Vellinq stansiyadan keçib, “Nyu Villard Hauz” tәrәfә yol
alanda saat sәkkizin yarısı idi. Hava getdikcә qaralırdı. Co qolları
üstündә ot-alaf tutmuşdu. Corc Villard qorxudan әsirdi, amma
yığdığı otları qucaqlayıb, stansiyadan, az qala, qaça-qaça meh -

87