Page 82 - anderson_Макет 1

Şervud Anderson

XӘYALPӘRӘST

O, saçlarına dәn düşmüş, solğun bәnizli, sakit tәbiәtli anası
ilә yaşayırdı. Qaldıqları ev Vaynzburqun Vayn çayı ilә kәsişdiyi
әrazidәn arxada, kiçik meşәlikdә yerlәşirdi. Onun adı Co Vellinq
idi. Atası bir vaxtlar Kolumbiyada dövlәt qanunvericilik orqanının
hüquqşünası olmuş, cәmiyyәt arasında mәnsәbli bir şәxs kimi
tanınmışdı. Co cismәn cılız idi vә xarakter etibarilә qәsәbә ca -
maatın dan heç kәsә bәnzәmirdi. Onu günlәrlә sakit vә yatmış
görünәn, sonra qәfildәn alov püskürәn balaca vulkana oxşatmaq
olardı. Bәlkә dә, bu bәnzәtmә düz olmaz. Amma orası düz idi ki,
Co tutması tutanda gözlәri dönәn, әl-ayağını dәli kimi hәrәkәt
etdirәn, hәr an әtrafındakıları qorxuda bilәcәk adamlara bәnzәyirdi.
Hә, Co belә birisi idi. Amma onun tutması cismani yox, әqli idi.
Onun beynindә min cür ideya fırlanırdı vә bu ideyalardan
hansınınsa haqqında danışanda özünü idarә edә bilmirdi. Belә
vaxtlarda sanki sözlәr onun ağzından axıb tökülürdü. Dodaqlarına
qәribә bir tәbәssüm qonurdu. Qızıl qapaq qoydurduğu dişlәri
işıqda parıldayırdı. Az qala, hәmsöhbәtinin üstünә cumaraq dәli
kimi danışırdı. Hәmsöhbәti isә canını ondan qurtara bilmirdi.
Hәyәcanlanmış Co nәfәsini qarşısındakının üzünә püskürәrәk
danışır, gözlәrini onun gözlәrinә zillәyir vә titrәyәn şәhadәt
barmağını hәmsöhbәtinin sinәsinә döyәclәyәrәk, sanki ondan
daha diqqәtli olmasını tәlәb edirdi.
O vaxtlar “Standard Oil” şirkәti nefti indiki kimi iri vaqonlarda
vә yük maşınlarında gәtirmirdi. Әvәzindә onu sәyyar satıcılara,
xırdavat dükanlarına vә bәzi bu cür alıcılara çatdırırdı. Co
“Standard Oil” şirkәtinin Vaynzburqda vә әtraf qәsәbәlәrdәki
nümayәndәsi idi. Satılmış neftin qәbz kağızlarını, sifariş qeydlәrini
yığır vә bu cür başqa işlәrlә mәşğul olurdu. Bu işi onun üçün
hüquqşünas olan atası tapmışdı.
Co Vellinq Vaynzburqdakı dükanlara girib-çıxır, özünü çox
sakit vә hәddәn artıq nәzakәtli aparır, fikrini ancaq işinә yönәldirdi.
Kәnardakı adamlar maraq, tәәccüb vә qorxu dolu baxışlarla onu
süzürdülәr. Onlar hamısı Conun tutması tutacağını düşünәrәk
qaçmağa hazır vәziyyәtdә dayanırdılar. Conun bu tutmaları tamam

82