Page 77 - anderson_Макет 1

Möminlik

yenә dә bilmirdi ki, oğlunu istәyir, ya yox. Bәzәn o, bütün günü
oğlunun yanında olurdu. Bu vaxtlar otaqda gәzişir, arabir dә
uşağa yaxınlaşıb zәrif toxunuşla onu oxşayırdı. Bәzәnsә o heç
oğlunu görmәk belә istәmirdi. Әri Con Hardi soyuqluğuna vә
qәddarlığına görә onu qınayanda Luiz sadәcә gülürdü.
– O, oğlan uşağıdı. Onsuz da, nә istәyirsә, әldә elәyәcәk, –
sәsindәki sәrtliyi gizlәtmirdi. – Qız uşağı olsaydı, onda görәrdin.
Görәrdin ki, dünyada ondan ötrü etmәyәcәyim nәsә yoxdur.

IV – Dәhşәt

Deyvid Hardi on beş yaşlı, hündürboy bir oğlan olanda anası
kimi onun da başına bir macәra gәldi vә hәyatını büsbütün
dәyişәrәk onu öz sakit yuvasından ayırıb, keşmәkeşli dünyanın
qucağına atdı. Bu hadisә ilә indiyәcәn arxasında gizlәndiyi
pәrdәlәr sanki yoxa çıxdı. Buna görә dә Deyvid artıq irәli getmәk
mәcburiyyәtindә qaldı. O, Vaynzburqu tәrk etdi vә bir dә heç kәs
onu bu qәsәbәdә görmәdi. Deyvid gedәndәn sonra anası vә
babası öldü, atası isә var-dövlәt әldә edib zәnginlәşdi. Oğlunu iş-
güc sahibi etmәk üçün Con Hardi çox pul xәrclәdi, amma bu
mәsәlәlәrin hekayәtimizin әsl mövzusu ilә әlaqәsi yoxdur.
Bentli ferması üçün qeyri-adi sayılan illәrdәn biri idi. Payız
öz sonuna yaxınlaşırdı. O il mәhsuldarlıq çox yüksәk olmuşdu.
Cessi yazda Vayn çayı vadisindә uzun zolağı xatırladan bataqlıqdan
ibarәt böyük bir әrazi almışdı. Әraziyә az pul ödәmişdi, amma
torpağı yararlı vәziyyәtә gәtirmәk üçün kalan pul xәrclәmişdi.
İri arxlar, xәndәklәr qazılmalı vә әksәr yerlәrә borular qoyulmalı
idi. Qonşu fermerlәr çәkilәn xәrclәrә tәәssüflә başlarını yellәyirdilәr.
Bәzilәri hәtta gülür vә sevinirdi ki, bu sәhvinә görә Cessi müflis
olacaq. Amma qoca Cessi sakit-sakit işinә davam edir vә heç nә
demirdi.
Әrazinin qurudulması işini bitirdikdәn sonra Cessi hәmin
yerlәrdә kәlәm vә soğan әkdi. Qonşular yenә dә ona güldülәr.
Amma mәhsul bol oldu vә xeyli pul gәtirdi. Bir il әrzindә Cessi
hәmin torpaqlardan әldә etdiyi gәlirlә hәm bataqlığın qurudul -
ma sı na sәrf etdiyi pulu çıxardı, hәm dә iki әlavә ferma aldı.
Cessi bәrk sevinirdi vә sevincini gizlәdә bilmirdi. Fermerliyi

77