Page 78 - anderson_Макет 1

Şervud Anderson

dövründә ilk dәfә idi ki, adamlar arasında ikәn onun üzündә
tәbәssüm olduğu hiss edilirdi.
Cessi fiziki әmәyi azaltmaq üçün yeni maşınlar aldı. Bundan
әlavә, pulunu ödәyәrәk mәhsuldar bataqlıq әrazilәrinin qalan
hissәsini dә öz torpaqlarına qatdı. Günlәrin birindә Vaynzburqa
yollandı. Bir velosiped vә Deyvid üçün yeni paltarlar alıb geri
qayıtdı. Klivlenddәki dini mәrasimlәrә qatılmaq üçün dә bacılarına
pul verdi.
Hәmin ilin payızında, artıq şaxtalar düşmәyә başlayanda,
Vayn çayı boyunca uzanan meşәlәr qızılı-qәhvәyi rәngә çaldığı
vaxtlarda Deyvid mәktәbә getmәdiyi günlәrini çöldә, әkin
sahәlәrindә, meşәlәrdә keçirirdi. Hәr günorta ya tәk, ya da
dostları ilә birgә meşәdә fındıq yığmağa gedirdi. Bentli fermasında
işlәyәn fәhlәlәrin dә oğulları olmaqla, bütün kәnd uşaqları
tüfәnglәrini götürüb meşәyә – dovşan vә ya sincab ovlamağa
gedirdilәr.
Amma Deyvid onlara qoşulmurdu. O, haçalı çubuqdan vә
rezin lentdәn özünә quşatan düzәltmişdi vә onu da götürüb fındıq
yığmağa çox vaxt tәkbaşına gedirdi. Yolboyu fikrә dalırdı. Yavaş-
yavaş anlayırdı ki, artıq böyüyüb, kişi olub vә düşünürdü ki,
görәsәn, o, bu hәyatda nә edәcәk. Amma bu fikirlәr tezliklә unu -
du lurdu. O dönüb yenә dә әvvәlki uşaq olurdu. Bir dәfә Deyvid
ağacın alçaq budağında dayanıb sәs çıxaran sincabı vurmuşdu.
Sonra vurduğu sincabı әlindә tutub qaça-qaça evә gәlmişdi.
Bentli bacılarından biri sincabı bişirmiş, o da böyük zövqlә
yemişdi. Dәrisini isә taxtaya mismarlayıb kәndirlә otağındakı
pәncәrәdәn asmışdı.
Sincab ovu onun ağlına yeni fikirlәr gәtirmişdi. Bundan
sonra o, meşәyә gedәrkәn quşatanını hәmişә özü ilә götürürdü vә
xәyalında canlandırdığı heyvanların ağaclar, kollar arasında
gizlәndiyini tәsәvvürünә gәtirәrәk, bütün gününü onları ovlamaqla
keçirirdi. Yetkinliklә bağlı fikirlәr daha onu narahat etmirdi vә o,
hәlә uşaq olmağından, uşaq hәvәsi ilә yaşamağından mәmnunluq
duyurdu.
Bir şәnbә sәhәri cibindә quşatanla fındıq yığmaq üçün meşәyә
gedәrkәn babası onu saxladı. Qoca kişinin gözlәrindә Deyvidi
hәmişә bir az qorxudan tәlaşlı vә ciddi bir ifadә var idi. Belә

78