Page 83 - anderson_Макет 1

Xәyalpәrәst

zәrәrsiz olsa da, adamlar onu gülüşlә yola vermәyi bacarmırdılar.
Amma orası da var idi ki, bu vaxtlarda Co beynindәki ideyaların
tәsiri ilә sanki qarşısıalınmaz olur, başqalarının gözündә
nәhәnglәşirdi. Danışdığı adamlar onun söhbәtlәrindәn, az qala,
tilsimlәnirdilәr. Tәkcә onlar yox, sәsinin çatdığı adamların hamısı
bu söhbәtlәrin ovsunundan xilas ola bilmirdilәr.
Silvester Vestin aptekindә dörd nәfәr at yarışları haqqında
söhbәt edirdi. Vesley Moyerin kәhәr atı Toni Tip iyunda Ohayo -
nun Tiffin әyalәtindәki yarışlara qatılacaqdı vә yayılan söz-
söhbәtә görә, bu, onun karyerası әrzindәki әn çәtin yarış olacaqdı.
Deyilәnә görә, at yarışlarının mәşhur siması olan Pop Ciәrzin
özü dә orda olacaqdı. Toni Tipin bu dәfә uğur qazanacağı bir
şübhә kimi sanki Vaynzburqun sәmasından asılıb qalmışdı.
Co Vellinq pәrdә qapıdan sıyrılaraq aptekә daxil oldu. Solğun
işıqlı gözlәrini Pop Ciәrzi tanıyan vә Toni Tipin şanslarını yüksәk
dәyәrlәndirәn Ed Tomasa zillәyib, birbaş onun üstünә getdi.
– Vayn çayının sәviyyәsi artıb, – Co Vellinq Marafon
döyüşündәn yunanların qәlәbә xәbәrini gәtirәn Faydipidiz әdası
ilә çığırdı. Tәbil çalırmış kimi barmaqları ilә Ed Tomasın sinәsini
döyәclәyib davam etdi:
– Trunyon körpüsü çaydan cәmi otuz santimetr yuxarıdadır, –
tәlәsik dediyi sözlәr onun dişlәri arasından çıxarkәn fit sәsi
verirdi. Conun söhbәtini dinlәyәn dörd nәfәrin üzündә isә artıq
әlacsız bir bezginlik ifadәsi yaranmışdı.
– Bütün faktları dәqiqlәşdirmişәm. Dediklәrimә inana bilәrsiniz.
Sinninqlәrin xırdavat dükanına gedib ordan xәtkeş aldım, sonra
tәzәdәn çaya qayıdıb hәr şeyi ölçdüm. Gözlәrimә inana bilmirdim.
Bilirsiniz ki, on gündür yağış-zad da yağmır. Әvvәl heç bilmәdim
nәdәn olar. Beynimdәn min cür fikirlәr keçdi. Dedim, yәqin,
yeraltı suların, bulaqların tәsirindәndir. Fikrim yerin altına getdi.
Körpüdә oturub başımı bir xeyli hövkәlәdim. Göydә bircә dәnә
dә bulud yox idi. Gәlin çıxaq küçәyә, bir özünüz dә baxın. Bircә
dәnә dә bulud yox idi. İndi dә yoxdur. Әslindә, var idi. Heç nәyi
gizlәtmәk istәmirәm. Qәrb tәrәfdә, üfüqün yanında çox balaca,
әl boyda bir bulud var idi. Amma onun tәsirindәn heç nә ola
bilmәzdi. Başa düşürsünüz mәni? Başa düşürsünüz, necә mәәttәl
qalmışdım? Sonra ağlıma bir fikir gәldi. Öz-özümә güldüm. Siz

83