Page 80 - anderson_Макет 1

Şervud Anderson

– İndi Deyvid dә yavaş-yavaş bu dünyanı tanımağa başla ma -
lı dır. Tanrının bu vәhyi ona da aid olacaq, – әminliklә düşünürdü. –
Tanrı onun yolunu açacaq vә mәnә bәyan edәcәk ki, Deyvidi
hansı yola yönlәndirim. Bәyan edәcәk ki, Deyvid bu yola nә
zaman çıxsın. Ona görә dә uşağın burda olması vacibdir. Әgәr
bu xoşbәxtlik mәnә nәsib olsa, Tanrının mәlәyi yanıma ensә,
Deyvid dә bu gözәlliyә, Tanrının öz nurunu insana göstәrdiyinә
şahid olacaq. Bu, onu әsl mömin kimi yetişdirәcәk.
Deyvid ilә babası sakitcә yola davam edib, bir vaxtlar Cessinin
Tanrıya dua edәrkәn nәvәsini qorxutduğu hәmin yerә gәldilәr.
Sәhәr günәşli vә xoş açılmışdı. Amma indi buludlar günәşin
üzünü örtmüş, soyuq külәk әsmәyә başlamışdı. Deyvid uzun
müddәt әvvәl gәldiklәri hәmin yeri tanıyanda qorxudan әsmәyә
başladı vә fayton körpünün yanında, çayın ağacların arası ilә
axıb açıqlığa çıxdığı yerdә dayananda o düşüb qaçmaq istәdi.
Deyvid qaçmaq üçün müxtәlif yollar axtarırdı. Amma babası
faytondan enib, çәpәri keçәrәk meşәyә tәrәf gedәndә Deyvid
istәr-istәmәz onun dalınca düşdü. “Bu nә axmaqlıqdı. Nәdәn
qorxuram axı? Qorxmalı heç nә yoxdur”. – Deyvid qucağında
tutduğu quzu ilә gedәrkәn düşünürdü. Әl-qolu bağlanmış quzunun
aciz vә kömәksiz halında nәsә qәribә bir şey var idi vә bu,
oğlana güc verirdi. Quzunun ürәyinin sürәtlә döyündüyünü hiss
etdikcә hәyәcanı azalır vә öz ürәyi daha asta döyünürdü. Yol
gedә-gedә Deyvid quzunun ayaqlarındakı ipi açmağa başladı.
“Әgәr nәsә olsa, biz bir yerdә qaçacağıq,” – deyә düşündü.
Uzun müddәt belәcә yol getdikdәn sonra Cessi ağacların
arasında, xırda kollar bitәn açıq әrazidә, çaya yaxın bir yerdә
dayandı. Hәlә dә sükutu pozmayan qoca әtrafdan çör-çöp yığıb,
ocaq qalamağa başladı. Deyvid bir kәnarda oturub quzunu
qucağında bәrk-bәrk tutaraq, babasının elәdiyi әn kiçik hәrәkәtә
dә diqqәtlә fikir verir vә getdikcә qorxmağa başlayırdı.
– Quzunun qanından bir damcı uşağın alnına da vuraram, –
ocaq artıq şiddәtlә yanmağa başlayanda Cessi mızıldanaraq dedi
vә cibindәn yekә bir bıçaq çıxararaq, üzünü arxaya çevirib iri
addımlarla Deyvidә tәrәf gәlmәyә başladı.
Oğlanı dәhşәt bürüdü. Ürәyi qorxudan yarpaq kimi titrәdi.
Bir anlıq yerindә sakitcә qaldı. Sonra özündә güc taparaq sıçrayıb

80