Page 76 - anderson_Макет 1

Şervud Anderson

– Mәn hamıya nifrәt elәyirәm, – o, qәfildәn qışqıraraq dedi
vә yanındakı oğlanı qorxudan dәlisov bir әda ilә davam etdi: –
Atama da nifrәt elәyirәm, o qoca Hardiyә dә, o şәhәrә dә, o
mәktәbә dә, dәrslәrimә dә.
Üzünü çevirib başını yanındakı oğlanın çiyninә qoyanda
Luiz onu daha da qorxutdu. Qızın ürәyindә anlaşılmaz bir ümid
yarandı ki, bu oğlan da Merinin sevgilisi kimi indi onu qucaqlayıb
öpәcәk. Amma kәndli oğlan qızın bu hәrәkәtindәn tәlaşlandı, fit
çalıb atı qamçılamağa başladı vә:
– Yollar çox kәlә-kötürdü, hә? – deyә dillәndi.
Luiz elә әsәbilәşdi ki, әlini atıb onun papağını götürdü vә
yola tulladı. Oğlan papağının dalınca faytondan düşәndә Luiz
faytonu hәrәkәtә gәtirib, sürәtlә birbaş fermaya sürdü. Yolun
ortasında tәk qalan oğlan isә fermaya qәdәr bütün yolu piyada
getmәli oldu.
Luiz Bentli ilә Con Hardi sevgili oldular. Әslindә, qızın
istәyi bu deyildi, amma gәnc oğlan Luizin mәktubundan bunu
anlamışdı vә Con ona yaxınlaşanda әsl istәdiyinin nә olduğunu
aydınlaşdırmaq üçün Luizin daha sәbri qalmadığından oğlana
heç bir müqavimәt göstәrmәmişdi. Münasibәtlәrinin başlamağından
bir neçә ay sonra Luizin hamilә olması ehtimalı onların ikisini dә
qorxuya saldı vә onlar vaxt itirimәdәn şәhәr mәrkәzinә gedib
nikahlandılar. Bir müddәt Hardilәrin evindә qaldıqdan sonra
özlәrinә ayrıca ev tutdular. Evliliyin ilk ili boyunca Luiz mәktubu
ona yazdıran anlaşılmaz vә müәmmalı duyğunun nә olduğunu
Cona başa salmağa çalışdı. Amma heç cür başa sala bilmәdi. Hәr
dәfә әrinin ağuşunda ikәn buna tәkrar-tәkrar cәhd etdisә dә,
hәmişә uğursuz oldu. Sevgiylә bağlı özünәmәxsus düşüncәlәri
olan Con isә arvadını heç dinlәmirdi vә belә vaxtlarda onun
dodaqlarını öpmәkdәn başqa Conu heç nә maraqlandırmırdı.
Axırda duyğularını ifadә edә bilmәmәsi Luizi elә çaşdırdı ki, o,
bu öpüşlәri dә istәmәdi vә başa düşdü ki, hәlә dә hәyatdan nә
istәdiyini müәyyәnlәşdirә bilmәyib.
Vaxtsız evliliyә sәbәb olan qorxunun boşuna olduğunu
bilәndәn sonra Luiz qәzәbini gizlәtmәdi, әsәbilәşdi, qışqırdı, acı
sözlәr deyib әrinin ürәyini sındırdı. Sonra oğlu Deyvid dünyaya
gәldi. Amma Luiz onun qayğısına qalmağı da bacarmırdı vә

76