Page 71 - anderson_Макет 1

Möminlik

Axşam yemәyindәn sonra Albert Hardi bәzәn Luizi tәriflәmәyә
başlayardı. Müәllimlәrinin Luiz haqqında xoş sözlәr demәyi
Albert Hardini sevindirirdi.
– Hә, indi dә başqa müәllim mәnә Luizi tәriflәdi, dәrslәrini
yaxşı oxuduğunu dedi. Vaynzburqda hamı deyir ki, Luiz necә
ağıllı qızdır. – Albert acıqlı-acıqlı qızlarına baxar, sonra üzünü
Luizә tutaraq gülümsәyәrdi. – Amma mәn utanıram, utanıram ki,
mәnim qızlarımı heç bir müәllim tәriflәmir.
Albert Hardi ayağa qalxıb, siqaretini yandırar, otaqda gәziş -
mә yә başlayardı. Qızları isә bir-birinin üzünә baxar vә atalarının
bu sözlәrindәn bezәrәk başlarını yellәyәrdilәr. Albert Hardi
qızlarının laqeydliyini görüb әsәbilәşәrdi.
– Mәn çox dedim, siz az eşitdiniz. İndi siz ancaq bu haqda
düşünmәlisiniz, – o, gözlәrini qızlarına zillәyib, sәsini yüksәl dә -
rәk deyәrdi. – İndi Amerikada böyük dәyişikliklәr baş verir.
Gәlәcәk nәslin bircә ümid yeri oxumaqdır. Baxın, bu qız da varlı
kişinin qızıdır, amma görün heç dәrs oxumaqdan utanırmı?! Siz
isә ona baxıb utanmalısınız.
Sonra tacir Albert qapının yanındakı asılqandan papağını
götürәr vә evdәn çıxmağa hazırlaşardı. Qapının ağzında dayanar
vә yenә dönüb qızlarına baxardı. Bu vaxtlarda o, elә әsәbi
görünәrdi ki, Luiz qorxudan yuxarı qalxar, öz otağına gedәrdi.
Qızlarsa tәzәdәn söhbәtә başlayardılar.
– Qulaq asın, – kişi yenidәn coşardı, – siz o qәdәr tәnbәl lәş -
mi siniz ki, fikirlәşmәyә dә әrinirsiniz. Dәrslәrinizә laqeydliyiniz
sizin tәrbiyәnizә, xasiyyәtinizә dә tәsir elәyib. Sizdәn heç nә
çıxmayacaq. Gözlәyin, görün Luiz nә qәdәr qabağa gedәcәk.
Onun uğurlarını siz heç vaxt qazana bilmәyәcәksiniz.
Sonra o, qәzәbindәn titrәyә-titrәyә küçәyә çıxardı. Dilinin
ucunda nәsә mızıldanar, söyüş söyәrdi, amma Meyn küçәsinә
çatanda qәzәbi keçib-gedәrdi. O, tacirlәrlә, kәnddәn gәlәn
fermerlәrlә builki mәhsuldarlıq, yaxud da havaların dәyişmәsi
ilә bağlı söhbәt edәrdi. Bu vaxt qızlarını artıq unutmuş olardı.
Tәsadüfәn yadına düşәndә isә çiyinlәrini çәkәrәk:

71