Page 69 - anderson_Макет 1

Möminlik

qәbul elәmirsәn, – deyә pıçıldadı vә faytonu hәrәkәtә gәtirib,
sürәtlә evә tәrәf sürmәyә başladı. O, dәrdli baxışlarını geniş
çöllәrdә, sıx meşәlәrdә gәzdirә-gәzdirә bütün yolboyu, evә çatana
qәdәr bu sözlәri tәkrar elәdi.

III – Mәğlubiyyәt

Әri ilә birgә Vaynzburqda Elm küçәsindәki kәrpic evdә yaşa -
yan vә evlәndikdәn sonra hamının “Xanım Hardi” kimi çağırdığı
Luiz Bentlinin әhvalatı bir qәdәr anlaşılmaz vә dolaşıqdır.
Luiz kimi qadınların başa düşülmәsi vә onların xoşbәxt
olması üçün mәnalı kitablar yazılmalı vә mәnalı ömür yaşayan
insanlardan nümunә götürülmәlidir.
Zәrif vә işgüzar qadınla çılğın, xәyalpәrvәr vә sәrt xasiyyәtli
kişinin nikahından dünyaya gәlәn vә qız doğulduğu üçün atasını
qәm dәryasına qәrq edәn Luiz uşaqlıqdan әsәbi idi. Ona gәlәcәkdә
sәnayeçiliyin gәtirәcәyi saysız-hesabsız qadın tiplәrindәn biri
demәk olardı.
Luiz uşaqlıq illәrini Bentli fermasında yaşamışdı. O, sakit vә
hәrdәmxәyal uşaq idi. Hәmişә sevgi vә şәfqәt istәsә dә, arzusuna
çata bilmirdi. On beş yaşı olanda Vaynzburqda Albert Hardinin
ailәsi ilә yaşamağa başladı. Albert Hardi fayton vә araba dükanının
sahibi, eyni zamanda tәhsil şurasının üzvü idi.
Luiz Vaynzburq Ali Mәktәbinә daxil olmuşdu vә Albert Har-
dinin evinә atasının köhnә dostu olduğu üçün yerlәşmişdi.
Vaynzburqda nәqliyyat vasitәlәrinin ticarәti ilә mәşğul olan
Albert Hardi dövrünün bir çox adamları kimi tәhsilә hәddәn
artıq maraq göstәrirdi. Düzdür, o, hәyatdakı uğurlarını kitablar
vasitәsilә qazanmamışdı, amma әmin idi ki, әgәr kitabın nә
olduğunu vaxtında bilsәydi, indi daha böyük uğurlara nail olardı.
Mağazaya gәlәn hәr adamla ancaq tәhsilin önәmi haqqında
danışır vә evdәkilәri dә bu söhbәtlәrlә bezdirirdi.
Onun iki qızı vә Con adlı bir oğlu var idi. Dәrsә marağı
olmayan qızları bir neçә dәfә mәktәbdәn çıxmaq istәdiklәrini

69