Page 66 - anderson_Макет 1

Şervud Anderson

Deyvid adamların sәsini, atların kişnәrtisini eşitsә dә, sәhәrin
işlәrini görmәk üçün qulluqçuların toplaşdığı tövlәni hәmin
pәncәrәdәn görә bilmirdi. O sәslәr isә Deyvidin әhvalına da tәsir
edirdi. Kimsә gülәndә o da gülürdü. O, açıq pәncәrәyә söykәnәrәk
bağçaya, dabanlarına balalarının altına sәrilmiş külәş yapışan
kök donuza baxırdı. Hәr sәhәr donuzları sayırdı.
– Dörd, beş, altı, yeddi, – o, asta sәslә deyir vә barmağını is-
ladaraq pәncәrәnin altlığında işarәlәr yazırdı. Sonra şalvarını vә
pencәyini tez әyninә geyinirdi. Böyük hәvәslә otağından çıxıb
çölә qaçırdı. Pillәkәnlәrdәn düşәndә elә sәs-küy salırdı ki,
qulluqçu Kәli onun bütün evi dağıdıb alt-üst edәcәyini düşünürdü.
Qapıları arxasınca möhkәm çırparaq bağladıqdan sonra köhnә vә
böyük evin içindәn, nәhayәt ki, çölә çıxırdı vә tövlәyә gәlib
üzündә qәribә bir ifadәylә sanki nәyinsә baş verәcәyini gözlәyirdi.
Ona elә gәlirdi ki, belә bir yerdә gecәlәr nәsә maraqlı vә möcüzәli
hadisәlәr baş verir. Bu dәmdә fәhlәlәr ona baxıb gülürdülәr.
Cessi hәlә bu mülkün sahibliyini әlinә keçirmәzdәn әvvәl bu fer-
mada fәhlәlik edәn qoca Henri Streydr, Deyvid bu evә köçәnә
qәdәr heç kәslә zarafat etmәsә dә, hәr sәhәr bu mәnzәrә qarşısında
onunla eyni zarafatı edirdi. Bu zarafat Deyvidin xoşuna gәlirdi
vә o, әllәrini bir-birinә çırparaq sevinirdi.
– Gәl, gәl, bir bax hәlә, – qoca, az qala, çığıraraq deyirdi, –
Baban Cessinin ağ madyanı geyindiyi qara corabları çıxarıb.
Uzun yay günlәri belәcә bir-bir keçdikcә Cessi Bentli ferma-
ferma hәr yanı gәzir, Vayn çayının vadisindәki әrazilәrә baş
çәkirdi. Nәvәsi dә bu vaxtlar onun yanında olurdu. Onlar ağ atın
apardığı faytonda rahat-rahat otururdular. Qoca Cessi nazik, ağ
saqqalını qaşıya-qaşıya fermadakı mәhsuldarlığı artırmaq yolları
vә insanların qurduğu planlara Tanrının necә müdaxilә etmәsi ilә
bağlı öz-özünә danışırdı. Bәzәn belә vaxtlarda Deyvidә baxır vә
xoşbәxt-xoşbәxt gülümsәyirdi. Bәzәnsә oğlanın varlığını tamam
unudurdu. Bir vaxtlar şәhәrdәki tәhsilini yarımçıq qoyub fermaya
qayıdanda onu öz çәnginә alan arzu-istәklәr, xәyallar indi yenә
dә, demәk olar ki, hәr gün onun bütün hisslәrinә hakim kәsilirdi.
Bir dәfә axşamların birindә bu duyğular onu nә qәdәr tilsimlәdisә,
qoca Cessi nәvәsi Deyvidi әmәlli-başlı qorxutdu. O, uşağın

66