Page 61 - anderson_Макет 1

Möminlik

bilmәdiyi üçün bütün dünyanın bomboş olduğunu, hәr kәsin onu
tәk qoyub getdiyini düşünmüşdü. Deyvid yerdәki palçığın
yumşaqlığını barmaqları ilә hiss edirdi. Xoşbәxtlikdәn, bu vaxt
evinә qayıdan bir fermer uşağın ağladığını eşitmiş vә onu evlәrinә
aparmışdı. Deyvid o qәdәr yorğun vә hәyәcanlı idi ki, nә baş
verdiyinin artıq fәrqindә deyildi.
Uşağın atası isә oğlunun itdiyindәn tәsadüfәn xәbәr tutmuşdu.
Oğlunu Bentli fermasından gәtirәn adamla küçәdә rastlaşmış vә
Deyvidin qayıtdığını bilmişdi. Amma onun evdә olmadığını
görәndәn sonra nә baş verdiyini anlamış vә bir neçә kәndli ilә
oğlunu axtarmağa başlamışdı. Deyvidin qaçırılması xәbәri tezliklә
bütün Vaynzburqa yayılmışdı. O, evә gәtirilәndә evin işıqları
yanmırdı. İçәri girәn kimi Luiz onu bәrk-bәrk necә qucaqlamışdısa,
uşağa elә gәlmişdi ki, anası başqa adama çevrilib. O, inana
bilmirdi ki, belә gözәl bir an yaşayır. Luiz Hardi Deyvidin uşaq
bәdәnini öz әli ilә sabunlayaraq onu çimizdirmiş, sonra oğlu
üçün dadlı bir yemәk bişirmişdi. O, Deyvidi yatırmaq
istәmәdiyindәn gecә paltarlarını geyindirәndәn sonra işıqları
söndürmüş, stulda oturaraq oğlunu saatlarla qucağında saxlamışdı.
Bu vaxt әrzindә o, asta sәslә danışmağa davam etmişdi. Deyvid
başa düşә bilmirdi ki, anası niyә belә dәyişib. Anasının narazı
sifәti Deyvidin indiyәdәk gördüyü әn gözәl, әn hüzurlu simaya
dönmüşdü. Uşağı ağlamaq tutduqca Luiz onu daha möhkәm
qucaqlayır vә danışmağa davam edirdi. Onun sәsi әri ilә dalaşarkәn
olduğu kimi sәrt vә cingiltili deyildi. Әksinә, bu sәs ağaclara
yağan yağış kimi hәzin idi. Deyvidi axtaranlar onun tapılmadığını
demәk üçün evә gәlәndә Luiz Deyvidin evdә olduğunu bildirmәmiş
vә onlar gedәnә qәdәr oğlunu gizlәtmişdi. Oğlana elә gәlmişdi
ki, bu, onu әylәndirmәk üçün anası ilә hәmin adamların oynadığı
oyundur. İndi Deyvid düşünürdü ki, bir az әvvәl azdığı zaman
keçirdiyi qorxular tamam boş şey imiş. Әgәr sonunda anası yenә
bu cür mehriban vә xoşrәftar qadın olacaqdısa, Deyvid gündә
min dәfә bu cür azmağa, min dәfә bu qorxuları keçirmәyә hazır
idi.

61