Page 57 - anderson_Макет 1

Möminlik

Tanrıya inanırdılar. İnanırdılar ki, hәr kәsin taleyi mәhz Onun
әlindәdir. Bazar günü müqәddәs kitabdakı sözlәri dinlәmәk üçün
balaca protestant kilsәlәrinә toplaşırdılar. O vaxt kilsәlәr ictimai
vә intellektual mәrkәz sayılırdı vә Tanrıya inam kilsәyә gәlәn
insanların ürәyini hәlә tәrk etmәmişdi.
Belәliklә, uşaqlıqda çox xәyalpәrәst birisi olan, böyük zәka
vә әzm sahibi Cessi Bentli dә qәlbәn Tanrıya bağlanmışdı.
Müharibә onun qardaşlarını dünyadan aparanda Cessi bilirdi ki,
bütün bunları Tanrı edib. Atası xәstәlәnib ferma işlәrindәn tamam
uzaqlaşanda da Cessi bunu Tanrının bir işarәsi kimi qәbul edirdi.
Şәhәrdә olarkәn bәzәn yeni fikirlәr, xәyallar onu narahat edәndә
axşamlar dalğın halda küçәyә çıxırdı. Şәhәrdәn qayıdıb fermadakı
işlәri yoluna qoyandan sonra yenә qaranlıq gecәdә Tanrını
düşünәrәk meşәlәri gәzir, alçaq dağların hәndәvәrindә dolaşmaqdan
yorulmurdu.
Bu gәzintilәr vaxtı o, Tanrı qatında önәmli adam olduğuna
daha çox inanırdı. Ürәyini bir tamahkarlıq hissi bürüyürdü. Cessi
fikirlәşirdi ki, niyә onun torpaq sahәsi cәmi altı yüz ardır, niyә
bundan çox olmamalıdır. Çәmәnliyin bir küncündә, çәpәrin
yanında gözlәrini qaldırıb sәmada parlayan ulduzlara baxır vә
aylı sükutu öz sözlәri ilә pozurdu.
Bir axşam – atasının ölümündәn aylar sonra Cessi yenә
hәmişәki kimi axşam gәzintisinә çıxdı. Onda elә vaxt idi ki,
Kәserinin doğum sancısı hәr an tuta bilәrdi. O, Bentli fermasının
yerlәşdiyi vadinin yanından axan Vayn çayının sahili boyunca
gәzә-gәzә öz әrazilәrinin bitib, qonşu fermanın başladığı yerә
qәdәr gәldi. Vadi gah genişlәnir, gah daralırdı. İndi Cessinin
gözlәri önündә böyük әkin sahәlәri vә sıx meşәlәr dayanmışdı.
Buludlar arxasından ay görünürdü. Cessi alçaq tәpәnin üstünә
qalxaraq, özünә yer tapıb oturdu vә yenә fikirlәrә qәrq oldu.
O düşünürdü ki, Tanrının seçilmiş qulu olduğu üçün bir az
әvvәl yanından ötüb-keçdiyi bütün torpaq sahәlәri onun olmalıdır.
Cessi ölüb getmiş qardaşlarını yadına salır vә onları ürәyindә
qınayırdı ki, nәyә görә daha çox işlәyib, daha böyük mal-mülkә
sahib olmayıblar. Lәpәlәrinә ay işığı düşәn balaca çay indi

57