Page 52 - anderson_Макет 1

Şervud Anderson

baxıb çığırardılar. Bәzәn aralarında mübahisә düşәr, savaşardılar,
bәzәnsә yol gedә-gedә bir ağızdan mahnı oxuyardılar. Bir dәfә
qardaşların yaşca böyüyü Enok Bentli sürücüdәn qamçını alıb
onun sapı ilә atası qoca Tomu vurmuşdu. Zәrbә elә bәrk alınmışdı
ki, qardaşlar yerә yıxılan kişinin öldüyünü zәnn etmişdilәr. Enok
ani qәzәbinin ölümlә nәticәlәnәcәyi tәqdirdә qaçacağını qәrara
alıb, bir neçә gün tövlәnin damında samanların üstündә gecәlәmәyә
mәcbur olmuşdu. Anası vaxtlı-vaxtında Enokun yemәyini gәtirir
vә yaralı atasının vәziyyәtindәn onu xәbәrdar edirdi. Amma bir
müddәt sonra hәr şey yaxşı qurtardı, atası sağalıb ayağa durdu vә
Enok da gizlәndiyi yerdәn çıxıb, heç nә olmayıbmış kimi hәyatına
davam etdi.
Vәtәndaş müharibәsi Bentli ailәsinin taleyindә ciddi dönüş
nöqtәsi oldu. Amma Cessinin yüksәlişindә dә әsas rolu elә
vәtәndaş müharibәsi oynadı. Enok, Edvard, Harri vә Vill Bentli
müharibәyә yollandı vә onların heç biri bu uzun müharibәdәn
geri qayıda bilmәdi. Oğulları Cәnuba getdikdәn sonra qoca Tom
fermanı idarә etmәyә cәhd göstәrsә dә, bacarmadı. Cәbhәdәki
sonuncu oğlunun da ölüm xәbәrini aldıqdan sonra sonbeşik oğlu
Cessiyә xәbәr göndәrdi ki, tәhsilini yarımçıq qoyub evә qayıtsın.
Hәmin vaxt artıq bir ildir xәstә yatan ana da dünyasını
dәyişdi vә tәk qalan atanın әl-qolu tamam bağlandı. Kişi birdәfәlik
ruhdan düşüb nә edәcәyini bilmәdi. Bir ara fikirlәşdi ki, fermanı
satıb şәhәrә köçsün. Bütün gün boyunca başını yellәyә-yellәyә,
dilinin ucunda nәsә mızıldana-mızıldana o tәrәfә, bu tәrәfә var-
gәl elәdi. Artıq tarlalardakı iş dә dayanmış, geniş sahәlәri alaq
otları basmışdı. Qoca Tom fermada işlәtdiyi fәhlәlәrin zәhmәtindәn
dә ağılla istifadә edә bilmirdi. Sәhәr-sәhәr onları işlәmәk üçün
tarlalara yola salandan sonra özü meşәyә gedib kötüklәrdәn
birinin üstündә otururdu. Bәzәn gecәlәr evә qayıtmağı unudurdu
vә qızlarından biri onun dalınca getmәyә mәcbur olurdu.
Cessi Bentli evә qayıdıb ferma işlәrini idarә etmәyә başlayanda
iyirmi iki yaşlı kövrәk vә arıq bir oğlan idi. On sәkkiz yaşı
olanda o, alim olmaq vә Presbayterian kilsәsindә keşişlik etmәk
hәvәsi ilә tәhsil almaq üçün evdәn ayrılmışdı. Hәlә yeniyetmә
ikәn çoxu onun gicbәsәr olduğunu deyirdi. O, qardaşları ilә yola

52