Page 49 - anderson_Макет 1

Heç kәs bilmir

Sonra taxtaların üstündә oturdular.
Corc Villard Meyn küçәsinә qayıdanda saat onu keçmiş,
yağış başlamışdı. O, Meyn küçәsini üç dәfә o başa, bu başa ged-
ib-gәldi. Silvester Vestin dükanı hәlә dә açıq idi. Corc içәri girib
siqaret aldı. Satıcı Şorti Krandol onunla birgә qapıya çıxanda
sevindi. Onlar beş-on dәqiqә mağazanın qabağında dayanıb
söhbәt etdilәr. Bu söhbәt onu bir az rahatlatdı. O, bayaqdan bәri
hәr şeydәn çox kiminlәsә söhbәtlәşmәk arzusunda idi. Corc
küçәni burulub astadan fit çala-çala “Nyu Villard Hauz” tәrәfә
addımladı.
Vinneyin parça mağazasının yanındakı sәkidә, üstünә sirk
rәsmlәri vurulmuş taxta çәpәrin qarşısında dayandı, fitini kәsdi
vә sakitcә durub, sanki kimsә onu çağırırmış kimi әtrafı diqqәtlә
dinşәmәyә başladı. Sonra yenә gәrginlik içindә güldü.
– Daha mәnim әleyhimә demәyә heç bir sözü olmayacaq.
Çünki heç kim heç nә bilmәyәcәk, – deyә әminliklә dillәndi vә
yoluna davam etdi.

49