Page 51 - anderson_Макет 1

Möminlik

Bentlilәr ailәsi Cessidәn bir neçә nәsil öncә Şimali Ohayoda
mәskunlaşmışdı. Onlar bu yerlәrә Nyu Yorkdan gәlmişdilәr vә
kәndin tәzә, qiymәtlәrin ucuz olduğu vaxtlarda özlәrinә torpaq
sahәlәri almışdılar. Mәrkәzi Amerikadakı çox insanlar kimi onlar
da uzun müddәt kasıb hәyat sürmüşdülәr. Aldıqları torpaq
sahәlәrindә sıx ağaclar әkilmiş vә hәr tәrәf kolluqlarla, kәsilmiş
odunlarla örtülmüşdü. Uzunmüddәtli ağır tәmizlik işlәrindәn,
ağacların kәsilmәsindәn sonra hәlә dә bәzi yerlәrdә kötüklәr
qalmışdı. Kotanlar әrazini şumlayarkәn tez-tez yerin altındakı
ağac köklәrinә, iri daşlara ilişirdi. Çökәk yerlәrdә çox vaxt su
yığılıb qalırdı vә nәticәdә taxıl da hәlә heç düzәmәlli böyümәmiş
saralır, solur vә tezliklә quruyub gedirdi.
Cessi Bentlinin atası vә qardaşları bu torpaqların sahibliyini
әllәrinә alanda artıq әrazinin tәmizlәnmәsi işlәrinin böyük qismi
görülmüşdü, amma onlar hәlә dә köhnә әnәnәlәrә sadiq qalaraq
axşamacan әziyyәtlә işlәyirdilәr. Onlar hәmin dövrün әksәr
fermerlәrinә xas hәyat tәrzi sürürdülәr. Yazda vә qışın әksәr
vaxtlarında Vaynzburq şәhәrinә aparan geniş yollar palçıqla
örtülürdü. Ailәnin dörd kişisi axşamacan tarlalarda ağır işlә
mәşğul olur, süfrә başında yağlı yemәklәrdәn artıqlamasıyla
yeyir, gecәlәr dә samandan düzәldilmiş yataqlarında yorğun hey-
vanlar kimi yatırdılar. Qaba vә sәrt hәyatları onların özünü dә
hәr mәnada kobud elәmişdi. Şәnbә günlәri axşamüstü oturmağa
cәmi üç yeri olan faytonu atlara qoşur vә şәhәrә gedirdilәr.
Şәhәrdәki mağazalarda sobanın әtrafına toplaşaraq başqa fermerlәrlә,
mağaza sahiblәriylә uzun-uzun söhbәtlәşirdilәr. Çox vaxt әyinlәrindә
kombinezon olardı. Qışda isә qalın kürk geyinәrdilәr vә kürklәrinin
aşağı hissәlәrindә palçıq lәkәlәri gözә dәyәrdi. Sobanın istisinә
uzatdıqları qızarmış әllәrinin çatlaq-çatlaq olduğu asanca hiss
edilәrdi. Onlar danışmağa çәtinlik çәkdiklәri üçün әksәr vaxtlarda
heç nә demәdәn sakit-sakit oturardılar. Ev üçün gәrәkli olan әt,
un, qәnd, duz vә digәr әrzaqları aldıqdan sonra Vaynzburq
meyxanalarının birinә gedәr vә pivә içәrdilәr. Gәrgin fiziki
әmәyin tәzyiqi altında hәmişә cilovlayıb saxladıqları coşqun
xarakterlәri bu vaxtlarda içkinin tәsiri ilә özünü büruzә verәrdi.
Kobud, heyvani vә şairanә bir çılğınlıq onların әhvalına hakim
kәsilәrdi. Evә qayıdarkәn faytonda ayağa qalxar vә ulduzlara

51