Page 53 - anderson_Макет 1

Möminlik

gedә bilmirdi. Bütün ailәdә bircә anası onu başa düşürdü vә indi
o da ölmüşdü. Cessi bir vaxtlar dörd qardaşın çәtinliklә öhdәsindәn
gәldiyi işlәri әlinә alıb, sahәsi artıq altı yüz ardan çox olan
fermanı idarә etmәyә başlayanda Vaynzburq camaatı ona gülürdü.
Әslindә, Cessinin halına gülmәyә onların ciddi әsasları var
idi. O dövrün kişilәri ilә müqayisәdә Cessi zahirәn bir o qәdәr dә
kişiyә oxşamırdı. O, çox balaca vә arıq idi. Bәdәni daha çox
qadın bәdәninә bәnzәyirdi. Gәnc keşişlәr kimi uzun, qara pencәk
geyinir vә ensiz, qara qalstuk taxırdı. İllәr sonra qonşuları onu
görәndә çox tәәccüblәnmişdilәr, amma şәhәrdә evlәnib özüylә
evә gәtirdiyi qızı görәndә bundan da çox tәәccüblәnmişdilәr.
Cessinin arvadı sözün әsl mәnasında tezliklә әriyib yoxa
çıxdı. Bu, yәqin ki, Cessinin öz sәhvi idi. Vәtәndaş müharibәsindәn
sonrakı ağır illәrdә Şimali Ohayodakı hәr hansı fermaya gәlin
köçmәk zәrif vә gücsüz bir qızın işi deyildi vә bәdbәxtlikdәn,
Kәserin Bentli zәrif vә gücsüz bir qız idi. Cessi o vaxtlar hamıyla
olduğu kimi, onunla da sәrt davranırdı. Kәserin qonşu qadınlar
qәdәr çox iş görmәk üçün әlindәn gәlәn hәr şeyi edirdi. Cessi isә
arvadına mane olmurdu. Qız heyvanları sağır, ev işlәrini görür,
yataq yerlәrini yığışdırır vә yemәk bişirirdi. O, düz bir il sәhәr
gün çıxandan gecә saatlarına qәdәr belәcә işlәdi vә ilk uşağını
dünyaya gәtirdikdәn sonra öldü.
Amma Cessi Bentli nә qәdәr zәif vә arıq olsa da, içindә
asanlıqla ölmәyәcәk nәsә sirli bir güc var idi. Onun qıvrım
saçları qәhvәyi rәngә çalırdı. Ala gözlәri bәzәn sәrt vә inamlı,
bәzәnsә tәrәddüdlü vә şübhәli nәzәrlәrlә baxırdı. O, tәkcә arıq
deyildi, hәm dә boyca balaca idi. Onun ağzı küsәyәn, amma
hikkәli bir uşağın ağzına bәnzәyirdi. Cessi Bentli çox şeyin
ifratına varan adam idi. O, doğru zamanda vә doğru mәkanda
dünyaya gәlmәmişdi, buna görә dә hәm özü әzab çәkir, hәm dә
başqalarına әziyyәt verirdi. Cessi hәyatda heç bir dilәyinә çatmadı
vә heç vaxt anlamadı ki, bu hәyatdan nә istәyir. Bentli fermasına
qayıdandan sonra qısa bir zaman içindә hәr kәsә öz zәhmini elә
göstәrmişdi ki, artıq hamı ondan qorxub çәkinirdi. Hәtta anası
qәdәr ona yaxın olan arvadı Kәserin dә ondan qorxmağa başlamışdı.
Gәlişindәn iki hәftә sonra atası qoca Tom bütün fermanın işlәrini
ona tapşırdı, idarәçiliyi ona hәvalә elәdi vә özü iş-gücdәn

53