Page 55 - anderson_Макет 1

Möminlik

bütün fikri vә bütün qәlbi ilә İncili vә Tanrını dәrk etmәyә
çalışırdı. Vaxt keçdikcә vә insanları daha yaxından tanıdıqca
Cessi inanmağa başlayırdı ki, o, digәrlәrinә qәti bәnzәmәyәn
qeyri-adi bir adam dır. Cessi hәyatının daha fәrqli vә önәmli
olmasını istәyirdi. Әtrafındakı insanların necә sәfeh vә mәnasız
hәyat yaşadığına şahidlik edәndәn sonra düşünürdü ki, belә bir
hәyatı heç vaxt yaşaya bilmәz. Fikrini ancaq özünә vә öz taleyinә
yönlәndirdiyi üçün gәnc arvadının hәtta hamilәlik aşkar hiss
edilәn vaxtlarda da ağır işlәr gördüyünü, onu şad etmәk üçün, az
qala, özünü öldürdüyünü hiss edә bilmirdi. Bununla belә arvadına
qarşı o, heç vaxt kobud olmaq istәmirdi. Uzun illәrin zәhmәtindәn
yorulan qoca atası bütün fermanın sahibliyini Cessiyә verib özü
bir kәnara çәkildiyi vә bundan mәmnunluq duyaraq ölümü
gözlәmәyә başladığı vaxtlarda Cessi sadәcә çiyinlәrini çәkәrәk
fikrini işlәrinә yönәltmiş vә atası haqqında zәrrә qәdәr dә
düşünmәmişdi.
Cessi әkin sahәsinә baxan otaqda pәncәrә qarşısında oturaraq
elә hey düşünürdü. O, tövlәdә atların vә mal-qaranın çıxardığı
sәslәri eşidә bilirdi. Bәzәn gözlәri uzaqda yaşıl tәpәciklәrin
әtrafında dolaşan heyvanlara sataşırdı. Tarlalarda ona işlәyәn
adamların sәsini dә eşidirdi. Heyvanların sağıldığı yerdәn
ağıldankәm İlayzanın çalxaladığı nehrәnin sәsi gәlirdi. Cessi
Әhdi-Әtiqdәki torpaq vә böyük sürülәr sahibi olan insanları
xәyalında canlandırırdı. Tanrının göydәn enәrәk bu adamlarla
necә danışdığını tәsәvvürünә gәtirir vә istәyirdi ki, Yaradan
onunla da belә danışsın. Hәmin insanların nail olduqlarına
çatmağı, hәr kәsdәn fәrqli vә önәmli olmağı Cessi çılğın bir uşaq
ehtirası ilә arzulayırdı. Dualarında Tanrıdan bunu istәyir vә öz
sәsi, öz sözlәri onu ruhәn daha da güclәndirir, daha da
hәvәslәndirirdi.
– Mәn fәrqli adamam. Bu torpaqların sahiblәrindәn fәrqli
adam, – deyirdi. – İlahi, mәnә bir nәzәr yetir, baxışlarını mәnә
yönәlt! Mәnә, qonşularıma, әvvәllәr bu torpaqların sahibi olanlara
bir bax! İlahi, insanlara başçılıq etmәyim, onlara yol göstәrmәyim
vә gәlәcәk hökmdarların himayәçisi olmağım üçün içimdә o ulu
peyğәmbәr kimi başqa bir Cessi yarat.
1

1 İncilә әsasәn, Davud peyğәmbәrin atasının adı Cessi olub.
55