Page 60 - anderson_Макет 1

Şervud Anderson

Deyvid Hardini dә bu qadın böyütmüşdü vә bu sәbәbdәn
Deyvidin uşaqlığı çox da şәn vә gözәl keçmәmişdi. O, insanlar
haqqında qәti düşüncәlәrә sahib olmaq üçün hәlә çox gәnc idi,
amma anası barәsindә yavaş-yavaş bәzi qәnaәtlәrә gәlmәk
mәcburiyyәtindә qalırdı. Deyvid sakit vә sözәbaxan uşaq idi.
Vaynzburqlular uzun müddәt idi ki, onun gicbәsәr olduğunu
fikirlәşirdilәr. Gözlәri qәhvәyi rәngә çalırdı. O, gözlәrini bir
nöqtәyә zillәyib dәqiqәlәrlә baxır, amma fikri özgә yerlәrdә
olduğu üçün nә gördüyünün fәrqinә varmırdı. Anasının әsәbilәşib
qışqırdığı, atasını danladığı vaxtlarda Deyvid qorxur, qaçıb
hansısa bir küncdә gizlәnirdi. Bәzәn gizlәnmәk üçün yer tapa
bilmәyәndә çaşıb qalırdı. Üzünü ağaca tәrәf, evdә olanda isә
divara tәrәf çevirir, gözlәrini yumur vә çalışırdı ki, heç nә
düşünmәsin. Deyviddә öz-özünә danışmaq vәrdişi yaranmış vә
çox gәnc yaşda qәribә bir kәdәr onun hәyatına hakim kәsilmişdi.
Amma babasını görmәk üçün Bentli fermasına getdiyi vaxtlarda
çox xoşbәxt vә sevincli olurdu. Bәzәn istәyirdi ki, heç evә
qayıtmasın. Bir dәfә fermadan evә dönәrkәn bir hadisә baş
vermiş vә bu hadisә Deyvidi çox qorxutmuşdu.
Deyvidi qәsәbәyә fermadakı fәhlәlәrin biri gәtirirdi. Onun
nәsә tәlәsik işlәri olduğu üçün oğlanı düz evlәrinin qabağına
aparmamış, küçәlәrinin tinindә qoyub getmişdi. Payız axşamının
şәr qarışan vaxtları idi vә sәma buludlarla örtülmüşdü. Hәmin
vaxt Deyvidә nәsә olmuşdu. O, anasının vә atasının yaşadığı evә
getmәk istәmirdi vә düşünürdü ki, evdәn qaçsın. Deyvid qәrara
gәlmişdi ki, tәzәdәn babasının fermasına qayıtsın, amma yolu
tanımadığı üçün azmış, nә edәcәyini bilmәdәn ağlaya-ağlaya,
qorxa-qorxa saatlarla kәndin yad küçәlәrini dolaşmışdı. Üstәlik,
yağış da yağır vә arabir çaxan ildırım әtrafı işıqlandırırdı. Deyvidә
elә gәlirdi ki, qaranlıqda nәsә qәribә şeylәr görür, әcaib sәslәr
eşidir. Elә bilirdi ki, indiyәcәn insan ayağı dәymәyәn dәhşәtli bir
yerә düşüb. Әtrafındakı qaranlıq qatı vә sonsuz görünürdü.
Ağacların budaqlarında vıyıldayan külәyin sәsi isә lap dәhşәtliydi.
Yolun kәnarından fayton keçdiyi vaxt Deyvid daha da qorxmuş
vә hasarı aşaraq әkin sahәsinә keçmişdi. O, tarla boyunca bir
xeyli qaçmış, sonra diz üstә çökәrәk axtardığı babasını tapa

60