Page 64 - anderson_Макет 1

Şervud Anderson

ilahi işarәlәri ilә öz torpaqlarını vә ev-eşiklәrini atıb başqa
diyarlara köçür vә yeni nәsillәri dünyaya gәtirirdilәr. Mәhsul dar -
lı ğın yüksәk olması vә torpaq sahәlәrini genişlәndirmәsi üçün
gecә-gündüz yorulmadan işlәdiyi zamanlarda o, çox heyifsilәnirdi
ki, bu güc-qüvvәni, bu tükәnmәz enerjini mәbәdlәr tikmәk,
kafirlәri öldürmәk vә Tanrının uca adını yer üzündә yaymaq
uğrunda sәrf etmir.
Cessinin hәsrәtindә olduğu şey bu idi. Amma bu, onun
yeganә dilәyi deyildi. Onun gәnclik çağları vәtәndaş müharibәsindәn
sonrakı illәrә düşmüşdü vә yeni-yeni yaranmağa başlayan müasir
sәnayeçiliyin tәsirlәri kәnd mühitindә әksәr çağdaşları kimi
Cessidәn dә yan keçmәmişdi. O, fermadakı işlәri daha az adamla
görmәk üçün yeni qurğular almışdı. Bәzәn fikirlәşirdi ki, gәnc
olsaydı, fermerlikdәn әl çәkib Vaynzburqda müxtәlif qurğu vә
maşınlar istehsal edәn fabrik açardı. Cessi qәzet vә jurnal oxumaq
vәrdişinә yiyәlәnmişdi. O, simlәrdәn çәpәr düzәldәn qәribә bir
alәt kәşf etmişdi. Hәr zaman xәyalında canlandırdığı köhnә
mәkanlardakı, köhnә zamanlardakı mühit, gec dә olsa, artıq ona
qәribә görsәnirdi vә Cessi anlayırdı ki, o mühit indiki insanların
düşüncәsinә nә qәdәr yad imiş. Dünya tarixinin әn materialist
dövrünün başlanmasını hamı kimi Tanrıya tapınan Cessi dә hiss
edirdi. Bir müddәt sonra müharibәlәrin artıq vәtәnpәrvәrlik
duyğuları ilә aparılmayacağını, insanların daha Tanrıya inanmayıb
ancaq mәnәvi-әxlaqi dәyәrlәrlә yaşayacağını, hakimiyyәt ehtirasının
xalqa xidmәt etmәk istәyini üstәlәyәcәyini, hәr kәsin var-dövlәt
uğrunda çarpışdığı bir vaxtda gözәlliyin unudulacağını Cessi çox
aydın görür vә anlayırdı. O, ac bir ehtirasla әkin-biçin işindәn dә
yaxşı bir iş tapıb, pulu daha tez vә rahat qazanmaq istәyirdi.
Cessi bir neçә dәfә kürәkәni ilә sırf bu haqda danışmaq üçün
qәsәbәyә getmişdi.
– Sәn bank işçisisәn. Ona görә dә mәnim әlimdә heç vaxt ol-
mayan imkanların var, – bu zaman Cessinin gözlәri parıldayırdı.
– Mәn hәmişә bu haqda fikirlәşirәm. Ölkәdә çox ciddi hadisәlәr
baş verir. İnan ki, bu gedişlә mәnim xәyal elәdiyimdәn dә çox
pul qazanmaq imkanı olacaq. Çalış kәnarda qalmayasan. Kaş
hәlә cavan olardım, sәnin kimi. Kaş mәnim dә әlimdә bu cür
imkanlar olardı.

64