Page 44 - anderson_Макет 1

Şervud Anderson

Hәkim Parsival indi dә Corcun insanlara bәslәdiyi münasibәt
haqqında danışmağa başladı. Oğlana elә gәlirdi ki, hәkimin
yeganә mәqsәdi bütün insanları onun gözündә nifrәtәlayiq varlıqlar
kimi göstәrmәkdir.
– İstәyirәm sәnin ürәyini nifrәtlә doldurum ki, özünü
başqalarından üstün bilәsәn, – dedi. – Mәnim o qardaşıma fikir
verdin? Gördün necә adam idi? O, hamıya nifrәt elәyirdi. Tәsәvvür
elәyә bilmәzsәn ki, o, anama, mәnә necә nifrәtlә baxırdı. Mәgәr
o, bizdәn üstün deyildi? Sәn dә bilirsәn ki, üstün idi. Sәn onu
görmәmisәn, amma bunu hiss elәmәyin üçün mәnim söhbәtlәrim
kifayәt elәyib. Mәnim söhbәtlәrimdәn bunu hiss edә bilirsәn. O,
indi ölüb. Bir dәfә kefli olanda relslәrin ortasında yatır, yük
vaqonlarından biri dә hәmin vaxt onun üstündәn keçir.
Bir dәfә avqust ayında Hәkim Parsivalın başına bir hadisә
gәldi. Artıq bir ay idi ki, Corc Villard hәr sәhәr hәkimin otağına
gәlir, vaxtının bir saatını burada keçirirdi. Hәkim yazmaqda
oldu ğu kitabdan parçalar oxumaq üçün özü bunu Corcdan
istәmişdi. O, bir dәfә Corc Villarda Vaynzburqa gәlmәk mәqsәdinin
bu kitabı yazmaq olduğunu da demişdi.
Hәmin avqust sәhәri oğlan hәlә hәkimin otağına çatmamış
bir hadisә baş vermişdi. Meyn küçәsindә qәza olmuşdu. Qatar
faytona qoşulmuş atları qorxutmuş vә atlar ürkәrәk sürәtlә
qaçmışdılar. Nәticәdә balaca bir qız uşağı – bir fermerin qızı fay-
tondan yıxılaraq ölmüşdü.
Meyn küçәsindә hamı olanların tәsirindәn qorxmuş vә
hәyәcanlanmışdı. Onlar bir-birlәrinә qışqıraraq hәkim çağırır,
kimisә hәkim dalınca göndәrirdilәr. Qәsәbәnin üç әsas hәkimi
hadisә yerinә gәlib qızın öldüyünü görürlәr. Kütlәnin arasından
bir nәfәr dә Hәkim Parsivalın yanına qaçır. Amma Hәkim Parsival
yaralı qıza baxmağa nәdәnsә heç düşünmәdәn etiraz elәyib,
israrla getmәyәcәyini deyir. Onun bu etirazını, әslindә, heç kәs
görmәmişdi. Çünki yanına gәlәn oğlan da hәkimә hadisә barәsindә
bir-iki kәlmә deyәndәn sonra onun cavabını dinlәmәdәn tәlaş
içindә otaqdan çıxıb aşağı düşmüşdü.
Amma Hәkim Parsival bunu hiss etmәmişdi. Corc Villard
onun yanına gәlәndә hәkim dәhşәt içindә idi.
– Bu hәrәkәtim camaatı qәzәblәndirәcәk, – o, hәyәcanla

44