Page 41 - anderson_Макет 1
P. 41
Filosof
– Bu pula nә varsa, ondan ver. İstәyirsәn, sata bilmәyәcәyin
әrzaqlardan bişir. Mәnim üçün heç bir fәrqi yoxdur. Görürsәn, nә
qәribә adamam? Belә şeylәr mәnim heç vecimә dә deyil.
Hәkim Parsivalın Corc Villarda danışdığı әhvalatların nә
әvvәli var idi, nә axırı. Bәzәn oğlana elә gәlirdi ki, bunlar hamısı
hәkimin uydurmalarıdır. Sonra o, tәzәdәn bu әhvalatların
doğruluğuna inanırdı.
– Mәn dә sәnin kimi jurnalist idim. – Hәkim Parsival danışırdı.
– Ayovada bir qәsәbәdә yaşayırdım, ya da qoy görüm, Ayovadaydı,
yoxsa İllinoisdәydi? Nәsә, yadıma sala bilmirәm. Әşi, elә dә
fәrqi yoxdur. Bәlkә, mәn öz kimliyimi gizlәtmәk, sirli adam kimi
görünmәk istәyirәm. Heç fikirlәşmisәn ki, burda bir qazancım
olmasa da, hәmişә niyә pulum var? Bәlkә, hardansa kalan pul
oğurlamışam, ya da bura gәlmәzdәn әvvәl kimisә öldürmüşәm?
Görürsәn, demәk, burda nәsә düşünmәli şeylәr var, hә? Әmәlli
jurnalist olsaydın, axtarıb araşdırardın. Çikaqoda bir dәfә Kronin
adlı bir hәkimi öldürmüşdülәr. Eşitmişdin bu haqda? Öldürәndәn
sonra da yeşiyә qoymuşdular. Demәli, bu yeşiyi yük arabasının
arxasında yerlәşdirirlәr. Özlәri dә heç nә olmayıbmış kimi arabada
öz yerlәrindә otururlar. Sәhәr camaatın yatdığı bir vaxtda sakit
küçәlәrlә aram-aram yollarına davam edirlәr. Günәş dә tәzә çıxır,
yavaş-yavaş uzaqdakı gölün üstündә görünmәyә başlayır, üfüq
xәttindәn yuxarıya qalxır. Gülmәlidir, hә? Tәsәvvür elә, qәlyanlarını
çәkә-çәkә, indi mәn necә keflә danışıramsa, onlar da o cür vec-
siz-vecsiz söhbәt edirlәr. Bәlkә, elә o adamlardan biri mәn
olmuşam? Necә qәribә olardı, hә? Düz demirәm?
Hәkim Parsival söhbәtinin davamını gәtirdi:
– Hә, nәsә, dediyim odur ki, mәn dә orda sәnin kimi jurnalist -
lik elәyirdim. Bütün günü oyan-buyana qaçıb dәrc elәmәk üçün
xırda-xuruş xәbәrlәr axtarırdım. Kasıb ailә idik. Anam paltar yu-
maqla mәşğul idi. İstәyirdi ki, mәn Presbayterian keşişi olum.
Mәn dә guya buna görә oxuyurdum. Atam neçә il idi ki, dәli
olmuşdu. Ohayoda Deytondakı dәlixanada yatırdı. Bax, gördün,
ağzımdan qaçırdım. Hә, bunların hamısı Ohayoda, burda olub.
Mәni araşdırmaq üçün indi bir ipucu da qazandın.
41
