Page 42 - anderson_Макет 1

Şervud Anderson

İstәyirәm sәnә qardaşım haqqında danışım. Çünki әsas
mәsәlәlәr onunla bağlıdır. Qardaşım dәmiryol rәngsazı idi. “Biq
For” şirkәtindә işlәyirdi. O yolu sәn dә bilirsәn dә, burdan –
Ohayodan gәlib-keçir. Demәli, qardaşım o biri işçilәrlә yük
vaqonunda yaşayırdı. Şәhәr-şәhәr gәzib, dәmir yoluna aid olan
şeylәri – siqnal işarәlәrini, şlaqbaumları, qatar körpülәrini,
stansiyaları rәnglәyirdilәr.
“Biq For” şirkәtinin işçilәri stansiyaları hәmişә o iyrәnc
rәnglә – narıncı ilә rәnglәyirdilәr. İlahi, mәn o rәngә necә dә
nifrәt elәyirәm! Qardaşımın üst-başında hәmişә bu rәng olardı.
Maaşı verilәn gün evә kefli gәlirdi. Pulunu cibinә qoyub, әynindә
yenә dә o hәmişәki rәngә batmış paltarla sәrxoş halda evә girirdi.
Maaşını anaya vermirdi. Gәtirib elә topa ilә stolun üstünә qoyurdu.
Evdә hәmişә narıncı boya lәkәsi olan paltarıyla gәzirdi.
Dedikcә o mәnzәrә tәzәdәn gözümün önündә canlanır. Cansız-
cüssәsiz anam evin arxasındakı daxmadan çıxıb içәri gәlirdi. O,
bütün gününü hәmin daxmada camaatın çirkli paltarlarını yumaqla
keçirirdi. İçәri girib stolun yanında dayanır, sabun köpüyünә
batan önlüyü ilә qan basmış, kәdәrli gözlәrini ovuşdururdu.
“Dәymә, o pula dәymә!” – qardaşım içәridәn çığırırdı. Sonra
gәlib özü beş-on dollar götürür, iti addımlarla hansısa meyxanaya
gedirdi. Götürdüyü pulu xәrclәyәndәn sonra bir az da götürmәk
üçün tәzәdәn qayıdırdı. Anaya, demәk olar ki, heç vaxt pul
vermirdi. Pul qurtarandan sonra isә tәzәdәn işinә qayıdır, dәmir
yolundakı işçilәrә qoşulurdu. O gedәndәn sonra evimizә әrzaq,
anam üçün paltar, mәnә bir cüt ayaqqabı, ya da nәsә bu cür başqa
şeylәr gәlirdi.
Anam qardaşımı mәndәn çox istәyirdi. Qәribәdir, hә? Qardaşım
heç vaxt nә anaya, nә dә mәnә bir xoş söz demәsә dә, günlәrlә
stolun üstündә qalan pula toxunmamağımız üçün bizi hәdәlәsә
dә, anam onu mәndәn çox istәyirdi.
Anamla mәn yaxşı yola gedirdik. Mәn keşişlik üçün oxuyur,
hәmişә dә dua edirdim. Dua elәmәkdә әmәlli-başlı canfәşanlıq
göstәrirdim. Kaş dua edәndә mәni eşidәrdiniz. Atam ölәndә
bütün gecәni dua elәmişdim. Qardaşım gecәlәri şәhәrdә içәndә,
bizә nәsә almaqdan ötrü mağazaları gәzәndә dә dua edirdim.
Axşamlar yemәkdәn sonra pulun qoyulduğu stolun yanında diz

42