Page 39 - anderson_Макет 1

FİLOSOF

Hәkim Parsival sarı bığlı, yekәpәr bir kişi idi. Ağzının
qıraqları üzündә tәәssüf ifadәsi yaradacaq şәkildә aşağı әyilmişdi.
Әyninә hәmişә çirkli, ağ gödәkcәsini geyinәr vә cibindәki
siqaretlәrin çölә çıxdığı kәnardakıların diqqәtindәn yayınmazdı.
Çürüyüb qaralmış dişlәri hәm dә әyri-üyrü idi. Baxışlarında
hәmişә qәribә bir ifadә olardı. Sol gözündә qıcolma var idi.
Bәzәn sol gözü pәncәrә jalüzü kimi yumulub açılırdı vә elә
tәәssürat yaranırdı ki, sanki kimsә hәkimin başının içindә dayanıb
jalüzün ipi ilә oynayır.
Hәkim Parsival Corc Villardın xәtrini çox istәyirdi. Corcun
“Vaynzburq İql” qәzetindә işlәdiyi bir il müddәtindә onu tanımışdı
vә bu tanışlığın da әsas tәşәbbüskarı hәkim özü olmuşdu.
Axşam düşәndәn sonra “Vaynzburq İql” qәzetinin sahibi vә
redaktoru Vill Henderson Tom Villinin meyxanasına gedәrdi.
Küçәlәrdәn keçib, arxa qapıdan meyxanaya girәr vә çox vaxt
göyәm arağı ilә qazlı suyun qarışığından ibarәt bir içki içәrdi.
Vill Henderson hәssas adam idi vә artıq qırx beş yaşına çatmışdı.
Ona elә gәlirdi ki, içki onu gәnclәşdirir. Bütün hәssas adamlar
kimi qadınlar haqqında danışmaqdan zövq alırdı vә vaxtının bir
saatını Tom Villi ilә qeybәtdә keçirirdi. Meyxana sahibi balacaboy,
enlikürәk vә çox qәribә әllәri olan bir adam idi. Başqalarının
yanaqlarına çökәn qızartı onun barmaqlarını vә әllәrinin arxasını
al rәngә boyayırdı. Piştaxta arxasında dayanıb Vill Hendersonla
danışarkәn әllәrini bir-birinә sürtürdü. Hәyәcanlandığı vaxtlarda
isә barmaqlarındakı qızartı daha da tündlәşirdi. Adama elә gәlirdi
ki, sanki bu әllәr qan dolu çәllәyә batırılıb vә sonra quruyan
qanın rәngi әllәrdә qalıb.
Vill Henderson piştaxtanın yanında dayanıb qırmızı әllәrә
baxa-baxa qadınlar haqqında söhbәt edәrkәn kömәkçisi Corc
Villard “Vaynzburq İql” qәzetinin ofisindә oturub Hәkim Parsivalın
söhbәtlәrini dinlәyirdi.
Vill Henderson ofisdәn çıxan kimi Hәkim Parsival redaksiyada
peyda olmuşdu. Kәnardan baxana elә görünәrdi ki, hәkim öz
otağının pәncәrәsindәn redaktoru izlәyib onun çıxmasını

39