Page 35 - anderson_Макет 1

Ana

ki, sәn öhdәsindәn gәlәcәksәn. Villә dә bunu dedim. Dedim,
düzәlәcәk, narahat olmayın. Sәn ağlı başında olan adamsan, qız-
zad deyilsәn, Corc. Sәn Tom Villardın oğlusan. Özünә gәlmәlisәn.
Mәn buna inanıram, qorxmuram. Bilirәm ki, bir izahın var. Әgәr
jurnalistlik elәyәndәn sonra yazıçı olmaq fikrinә düşmüsәnsә, bu
normaldır. Әgәr belәdirsә, onda sәn fikrini, güc-qüvvәni buna
yönәltmәlisәn. Bunun üçün dә yatdığın o yuxudan oyanmalısan.
Tom Villard tez dәhlizdәn keçib, pillәkәnlә öz otağına düşdü.
Qaranlıqda gözlәyәn qadın onun gülüşünü vә qeydiyyat otağının
qapısı ağzında mürgülәyәrәk axşamın cansıxıcılığından yaxa
qurtarmağa çalışan qonaqla etdiyi söhbәti eşidirdi. Elizabet
tәzәdәn oğlunun otağına qayıtdı. Sanki hansısa möcüzә onun
bәdәnindәki halsızlığı, zәifliyi yoxa çıxarmışdı. O, indi cәsarәtli
addımlarla yeriyirdi. Beynindә min cür fikir fırlanırdı. Oğlunun
otağından ayaqları döşәmәyә sürtülәn stulun vә qatlanıb әzilәn
kağız-kuğuzun sәsini eşitdikdәn sonra qadın yenә üzünü çevirib
öz otağına tәrәf getdi.
Vaynzburq mehmanxanasının sahibәsi olan bu bәxtsiz qadının
ağlına qәfildәn qәti bir fikir gәldi. Bu fikir onun illәr uzunu sak-
it-sakit düşündüklәrinin nәticәsi idi.
– İndi, – dedi, – indi bu işi görәcәm. Oğlumu hansısa tәhlükә
gözlәyir. Mәn buna mane olacam.
Tom Villardla Corc arasındakı söhbәtin mehriban vә sakit
keçmәsi, onların bir-birini anlayaraq xoş danışmaları Elizabeti
dәliyә döndәrmişdi. O, әrinә qarşı illәrlә nifrәt bәslәsә dә, bu
nifrәt sırf onun özünә qarşı olmamışdı. Tom sadәcә onun nifrәt
etdik lәrinin bir parçası idi. Amma qapı ağzındakı söhbәtini
eşitdikdәn sonra Elizabetin bu nifrәti indi mәhz Tomun üstündә
cәmlәşmişdi. Qadın öz otağının qaranlığında yumruğunu sıxaraq
baxışlarını әtrafda gәzdirdi. Divardakı mismardan asılan çantaya
sarı getdi vә tikiş qayçısını çıxarıb, xәncәr kimi әlindә tutaraq
ucadan dedi:
– Onu bıçaqlayacam. O özü bunu seçdi. Şeytan olmağı seçdi.
Öldürәcәm onu. Onu öldürәndә ürәyimdә bir tel qırılacaq, mәn
dә ölәcәm. İkimizin dә canı qurtaracaq.

35