Page 30 - anderson_Макет 1

Şervud Anderson

ANA

Corc Villardın anası Elizabet Villard hündürboy, arıq qadın
idi. Üzündә suçiçәyi xәstәliyindәn qalan nişanәlәr gözә dәyirdi.
Qırx beş yaşı olsa da, hansısa gizli bir xәstәlik onun bütün
şuxluğunu vә şövqünü әlindәn almışdı. O, bәzәn otağından çıxıb
dağınıq vә köhnә mehmanxananı halsız-halsız dolaşır, rәngi
solmuş divar kağızlarına vә köhnәlib әsgiyә çevrilmiş xalçalara
baxa-baxa otaqları gәzir, bәzәnsә özünü yaxşı hiss elәyәndә
mehmanxanada tәmizlik işlәri görür, qonaqların çarpayılarını
sәliqәyә salırdı. Arıq vә cazibәdar görünüşlü, dördkünc çiyinlәri
vә eşmә bığı olan әri Tom Villard bacardığı qәdәr Elizabet
haqqında düşünmәmәyә çalışırdı. Tom qadının dәhlizlәri dolaşan
kabusa bәnzәr hündür fiqurasını hәr dәfә gördükcә bunu hәyatın
ona yağdırdığı mәzәmmәtlәr vә tәnәlәr kimi qәbul edirdi. Onun
haqqında hәr dәfә düşündükcә Tom әsәbilәşir vә özünü söymәyә
başlayırdı. Mehmanxana artıq neçә vaxt idi ki gәlir gәtirmirdi vә
hәmişәki kimi iflasın bir addımlığında idi. Tom mümkün olduğu
qәdәr mehmanxanadan da uzaq qalmağa çalışırdı. Bu qәdim
bina vә birgә yaşadığı o qadın Tomun nәzәrindә mәğlubiyyәtin
vә ölümün rәmzlәri idi. Bir vaxtlar ümidlә yaşamağa başladığı
bu mehmanxana indi köhnә xәyalların qorxunc kabusuna çevrilmiş -
di. Hәmişәki әsgәr yerişi ilә Vaynzburq küçәlәrindә gәzdiyi za -
man ciddi vә şıq geyimli Tom sanki o köhnә binanın kabusu ilә
qa dının kabusunun onu izlәdiyindәn qorxurmuş kimi, bәzәn
dayanıb tәlaşla geriyә baxır vә öz-özünә deyinirdi:
– Lәnәtә gәlsin belә hәyat, lәnәtә gәlsin!
Tom Villard siyasәtә dәrindәn maraq göstәrәn adam idi vә
uzun illәr qatı respublikaçı cәmiyyәtdә aparıcı demokratlardan
olmuşdu.
– Bir gün, – o, öz-özünә deyirdi, – bu siyasi gedişatın hamısı
mәnim xeyrimә dәyişәcәk. Onda illәrlә göstәrdiyim bu qarşılıqsız
xidmәtimin mükafatı verilәcәk.
O, konqresә gedәcәyinin, hәtta qubernator olacağının xәyalını
qururdu. Bir dәfә siyasi konfransların hansındasa partiyanın gәnc
bir üzvü ayağa qalxıb öz sәdaqәtli xidmәti haqqında danışanda
Tom Villard әsәbindәn, az qala, cin atına minmişdi.

30