Page 27 - anderson_Макет 1

Kağız yumruları

– Hә, romantik qoca, boşboğazlıq elәmәk әvәzinә, bir bax
gör baş çıxara bilirsәn bunlardan? – deyәrәk şaqqanaq çәkәn
hәkimin gülmәkdәn bütün bәdәni әsәrdi.
Ölümündәn sonra var-dövlәti hәkimә miras qalan hәmin
hündürboylu, qarabuğdayı qızla Hәkim Rifinin mәhәbbәt macәrası
olduqca maraqlı әhvalatdı. Bu әhvalat Vaynzburq bağlarında
yetişәn çotur almalar qәdәr şirindir. Payızda bәzәn o bağları
gәzmәk hәvәsinә düşürsәn. Ayaq altındakı torpağın donub buz
bağladığını hiss edirsәn. Ağaclardakı almalar da artıq yığılmış
olur. Almaları çәllәklәrә doldurub, şәhәrlәrә göndәrirlәr. Orada
isә kitab, qәzet vә jurnal oxuyan mebelli mәnzillәrin sakinlәri bu
almaları yeyirlәr. Ağacda qalan almalar meyvә yığanların heç
әllәrini dә uzatmadığı tәk-tük çotur almalar olur. Bu almaların
çoturları sanki Hәkim Rifinin әllәrinin oynaqlarına bәnzәyir. Al-
madan bir dişlәk vuranda görürsәn ki, çox şirindir. Sonra buz
bağlamış torpağın üstü ilә ağacdan-ağaca qaçaraq bu cür almaları
bir-bir yığıb ciblәrinә doldurursan. Ancaq bu çotur almaların
dadını çox az adam bilir.
Hәkim Rifi ilә o qızın münasibәti bir yay günündә başlamışdı.
Onda hәkimin qırx beş yaşı var idi vә ciblәrinә kağız doldurmaq
adәtinә artıq alışmışdı. O, bu vәrdişinә yorğun, ağ atının qoşulduğu
faytonda oturub, kәnd yollarını asta-asta gәzdiyi zaman başlamışdı.
Hәmin kağızlarda o, öz fikirlәrini yazırdı.
Hәkim Rifi bu fikirlәri bir-bir, diqqәtlә tәhlil edirdi. Bu
fikirlәrin çoxu hәqiqәtә çevrilir vә onun xәyalında getdikcә
böyüyüb nәhәnglәşirdi. O qәdәr böyüyürdü ki, göyün üzünü dә
bulud kimi örtürdü. Sonra qorxulu bir şeyә çevrilir vә çox
keçmәdәn öz-özünә yoxa çıxırdı. Digәr kiçik fikirlәr dә bu cür
böyüyür vә itirdi.
Hündürboy, qarabuğdayı qız hamilә olduğunu zәnn etdiyi
üçün Hәkim Rifiyә müraciәt etmişdi. O, әmәlli-başlı qorxuya
düşmüşdü. Qızın bu vәziyyәtdә olmasının da maraqlı sәbәblәri
var idi.
Atasının vә anasının ölümündәn sonra mәhsuldar torpaq
sahәlәrinin yeganә sahibinә çevrilәn bu qarabuğdayı qızın aşiqlәri
günü-gündәn artırdı. Evlәnәcәyi adamı tapmaq ümidi ilә iki il

27