Page 24 - anderson_Макет 1

Şervud Anderson

– Mәn sәnә göstәrәrәm әlini oğlumun çiyninә qoymaq nә
demәkdir, göstәrәrәm sәnә, әclaf, – meyxanaçı onu döyә-döyә
qışqırmağa davam edir.
Sonra әllәri yorulduğu üçün hәyәtin ortasında onu tәpiyi ilә
vurmağa başlayır.
Adolf Mayerzi gecә ilә Pensilvaniyadan qovurlar. Әllәrindә
fәnәr tutan on-onbeş nәfәr onun tәnha yaşadığı evә gәlir vә
paltarını geyinib çölә çıxmasını istәyirlәr. Hәmin gecә hava da
yağışlı olur. Fәnәr işığının altında adamlardan birinin әlindә
kәndir görünür. Adamlar Adolf Mayerzi asmaq istәyirlәr. Amma
cansız-cüssәsiz müәllimin qorxudan ağarmış üzü, yazıq görünüşü
onların ürәyinә toxunur vә onu buraxırlar. Zülmәtin içi ilә qaçıb
uzaqlaşmağa çalışan Adolf Mayerzin arxasınca baxdıqca ona
rәhm etdiklәri üçün peşman olurlar. Qaranlıqda qışqıraraq yüyü -
rәn adamın dalınca söyә-söyә, daş-kәsәk ata-ata bir xeyli qaçırlar.
Bu hadisәdәn sonra Adolf Mayerz iyirmi il Vaynzburqda
yaşadı. Onun qırx yaşı vardı, amma altmış-yetmiş yaşlıya oxşayırdı.
“Biddlbaum” adını o, tәlәsik vә tәlaş içindә Şәrqi Ohayoya
gedәrkәn stansiyada yük qatarındakı әrzaq qutusunun üstündә
görüb öz adı kimi götürmüşdü. Vaynzburqda bir xalası var idi.
Toyuq-cücә saxlayan, dişlәri çürüyüb qaralmış bir arvad idi.
Qarı ölәnә qәdәr Adolf Mayerz onunla yaşadı. Pensilvaniyadakı
hadisәdәn sonra o, düz bir il xәstә oldu. Sağalıb ayağa qalxandan
sonra isә tarlalarda günәmuzd fәhlә kimi işә başladı. O, gün
әrzindә tarlalarda işlәyir, әllәrini bacardıqca hamıdan gizlәtmәyә
çalışırdı. Nә baş verdiyini hәlә tam anlamasa da, ona elә gәlirdi
ki, hәr şeyin günahkarı onun әllәridir. Çünki o vaxt şagirdlәrin
ataları elә hey onun әllәri ilә bağlı nәsә deyirdilәr.
– Әllәrini özünә saxla, – mәktәbin hәyәtindә qәzәbdәn dәli
kimi onun üstünә cuman meyxanaçı da bağıraraq belә demişdi.
Әkin sahәsinin yanından ötәn yol alaqaranlıq kölgәlәr içindә
görünmәz olana qәdәr Vinq Biddlbaum dәrә yaxınlığındakı evinin
sınıq-salxaq eyvanında gәzişmәyә davam elәdi. Sonra içәri girdi.
Çörәyi dilim-dilim doğradı vә balı dilimlәrdәn birinin üstünә
yaxdı. Gilәmeyvә yüklәnmiş axşam qatarı gurultu ilә keçib Vinqi

24