Page 21 - anderson_Макет 1

Əllәr

Vinq Biddlbaumun әllәri sadәcә öz işlәmәk bacarığına görә
Vaynzburqda hamının diqqәtini çәkmişdi. Bir günә yüz otuz iki
kiloqram çiyәlәk yığan bu әllәr Vinqin fәrqlәndirici xüsusiyyәti
vә şöhrәtinin әsas sәbәbi idi. Bu әllәr eyni zamanda onun, onsuz
da, müәmmalı olan kimliyini daha da müәmmalı edirdi. Vaynzburq
camaatı bank işçisi Vaytın yeni kәrpic evi, yaxud da Klivlenddәki
at yarışlarında qalib gәlәn Vesley Moyerin Toni Tip adlı kәhәr atı
ilә qürur duyduğu kimi, Vinq Biddlbaumun әllәri ilә dә qürur
duyurdu.
Corc Villard ondan әllәri haqqında soruşmağı çox istәyirdi.
Bәzәn Corcu böyük maraq hissi bürüyürdü. O düşünürdü ki, bu
әllәrin cәldliyinin vә Vinq Biddlbaumun onları hәmişә gizlәt mә -
yi nin nәsә ciddi bir sәbәbi var. Amma Vinq Biddlbauma olan
hörmәti bu sualları vermәkdә Corca mane olurdu.
Bir dәfә Vinqdәn bu haqda soruşmaq üçün Corcun әlinә
yaxşı bir imkan düşmüşdü. Yay axşamlarından biri idi. Onlar
çöldә gәzә-gәzә söhbәt edirdilәr. Üstünü ot basmış skamyanın
yanında dayanıb oturdular. Vinq Biddlbaum bütün axşamı ilhamla
vә şövqlә danışmağa davam etmişdi. Qarşısına çәpәr çıxdığı
vaxt yekә ağacdәlәn kimi yumruğunu taxtaya döyәclәyә-döyәclәyә
Corc Villardın üstünә qışqırıb ona qәsәbә camaatının tәsirinә
çox uyduğunu demişdi:
– Sәn özünü mәhv elәyirsәn, – o qışqırırdı. – Görürәm ki,
tәkliyә, xәyallar qurmağa meylin var. Amma xәyal qurmaqdan
qorxursan. Sәn dә bu adamlar kimi olmaq istәyirsәn. Sәn onların
danışığına qulaq asıb, onları yamsılamağa çalışırsan.
İndi ot basmış skamyanın üstündә oturduqları vaxt da Vinq
söhbәtinin davamını gәtirib fikrini sona çatdırmaq istәyirdi. Onun
yumşaq sәsindә nostalji notlar sezilirdi. İndi o, fәrәhlә köks
ötürәrәk sanki xәyallar içindә itib-batmış bir adam kimi rabitәsiz
nitqlә söhbәtini davam etdirirdi.
Vinq Biddlbaum xәyallarındakı mәnzәrәlәri Corc Villardın
gözlәri önündә canlandırmağa çalışırdı. Bu mәnzәrәlәrdә insanların
xoşbәxt yaşadığı kәnd mühiti tәsvir edilirdi. Azad vә yamyaşıl
ölkәlәrindә bәzilәri piyada, bәzilәri at belindә gәzәn yaraşıqlı

21