Page 23 - anderson_Макет 1

Əllәr

O sanki fitrәtәn dә müәllim idi – yeniyetmәlәrlә yaxşı yola
getmәyi bacaran müәllim. Adolf Mayerz çәtin başa düşülәn elә
nadir adamlardan idi ki, öz sәlahiyyәtlәrindәn vә gücündәn necә
istifadә edirdisә etsin, şagirdlәri bunu xoşagәlәn bir nәvaziş kimi
qәbul edirdilәr. Tabeliyindә olanlara qarşı bu cür adamların
münasibәti qadınların kişilәrә qarşı sevgisinә bәnzәyir.
Amma mәn bunu yaxşı ifadә edә bilmәdim. Bir az kobud
alındı. Burada yenә şair mәharәtinә ehtiyac var. Adolf Mayerz
mәktәbin oğlanlarıyla axşamlar gәzә-gәzә söhbәt edәr, bәzәn
qaş qaralana qәdәr bu söhbәtlәri davam etdirәrdi. Arabir әllәrini
onların dağınıq saçlarında gәzdirәr, ya da mehribancasına onların
çiynini sığallayardı. Danışdıqca onun sәsi zәriflәşәr vә musiqi
sәsinә bәnzәyәrdi. Sanki bu sәsdә dә bir sığal var idi. O, sәsinin
zәrifliyi vә hәlimliyi ilә, şagirdlәrinin çiynini sığallamaqla,
saçlarına toxunmaqla düşüncәlәrini daha aydın çatdırmağa çalışır,
şagirdlәrinin onu başa düşmәsini istәyirdi. Onun qәlbindә hәyat
eşqini meydana gәtirәn güc birlәşmәk әvәzinә, sanki bölünüb
parçalanmışdı. Çiyinlәri, saçları sığallanan oğlanlar söhbәt zamanı
şübhә vә inamsızlıq hissini yaddan çıxarır, müәllimlәri kimi
xәyallar qurmağa başlayırdılar.
Vә sonra o faciә baş verir. Oğlanların arasından ağıldankәm
biri müәlliminә bağlanır. O, gecәlәr yerinin içindә dilә gәtirilmәz
şeylәrin xәyalını qurur vә bir gün sәhәr bu xәyalındakıları olmuş
hadisәlәr kimi danışmağa başlayır. Ağına-bozuna baxmadan
müәllimi haqqında iyrәnc vә ağlagәlmәz şeylәr uydurur. Yayılan
söz-söhbәt bütün Pensilvaniyanı lәrzәyә gәtirir. Adolf Mayerz
haqqında, onsuz da, gizli şübhәlәri olan adamlar deyilәnlәrә
inanırlar.
Faciә gecikmir. Oğlanlar yerlәrindәn tәәccüblә ayağa sıçrayıb
bir-bir danışmağa başlayırlar: “O, әllәrini mәnim dә çiynimә
qoymuşdu”. “O, hәmişә mәnim saçlarımla oynayırdı”.
Bir axşam qәsәbә sakinlәrindәn biri olan meyxana sahibi
Henri Bredford mәktәbә gәlir. Adolf Mayerzi hәyәtә çağırır vә
çölә çıxan kimi onu döymәyә başlayır. Sәrt düyünlü yumruqları
müәllimin qorxu dolu sifәtinә dәydikcә o, daha da qәzәblәnir.
Dәhşәtә gәlmiş uşaqlar çığırışaraq hәşәrat kimi o tәrәfә, bu
tәrәfә qaçışırlar.

23