Page 18 - anderson_Макет 1

Şervud Anderson

İnsanları әcinnәyә çevirәn dә mәhz bu dәyәrlәrә sarılıb
yaşamaları idi. Yazıçının bu mәsәlәylә bağlı çox geniş bir
nәzәriyyәsi var idi. O düşünürdü ki, insanlar bu anlayışlardan
birini özlәrinә götürüb onu hәqiqәt kimi qәbul edәrәk hәyatlarını
da bu hәqiqәt üzәrindә qururlarsa, yavaş-yavaş әcinnәyә çevrilirlәr
vә hәqiqәt saydıqları o inamlar da getdikcә yalana çevrilir.
Gördüyünüz kimi, ömrünü yazıçılığa hәsr edәn vә ürәyindә
saysız-hesabsız sözlәr olan qoca bu mövzu haqqında, bәlkә dә,
daha yüzlәrcә sәhifә yazacaqmış. Bәlkә, bu mövzuya özünü o
qәdәr hәsr edәcәkmiş ki, axırda o da bir әcinnәyә çevrilәcәkmiş.
Amma yazıçı әcinnәyә çevrilmir vә mәnә elә gәlir ki, mәhz
hәmin kitabı çap etdirmәdiyi üçün o, әcinnәyә çevrilmir. Yazıçını
әcinnә olmaqdan xilas edәn hәm dә içindә daşıdığı o gәnc olur.
Çarpayını düzәldәn ustaya gәlincә isә, mәn o ustanı ona görә
xatırlatdım ki, çoxlarının adi adam adlandırdığı bu dülgәr kitabda
tәsvir edilәn әcinnәlәrdәn әn sevimlisi vә әn asan tanınanı idi.

18