Page 15 - anderson_Макет 1

Dәrin müşahidәlәri ilә mәndә ilk dәfә insan
hәyatının batininә baş vurmaq hәvәsini oyadan
Anam
EMMA SMİS ANDERSONUN
xatirәsinә

ӘCİNNӘLӘR KİTABI

Saç-saqqalı ağarmış qoca yazıçının gecәlәr yatdığı yer heç
dә rahat deyildi. O hәr sәhәr yuxudan oyanarkәn yerinin içindәn
hәyәtdәki ağaclara baxmaq istәyirdi, amma evinin pәncәrәlәri
çox yüksәk olduğundan bu, onunçün müşkül mәsәlәyә çevrilmişdi.
Günlәrin birindә çarpayının yerini düzәltmәk üçün evә usta
çağırdı.
Amma iş onların ikisi üçün dә başağrısı oldu. Bir vaxtlar
vәtәndaş müharibәsindә savaşmış dülgәr yazıçının otağına girәndәn
sonra çarpayının yeri ilә bağlı bir xeyli danışdı. Yazıçının masası
üstündә siqaret var idi vә usta söhbәt edә-edә arabir o siqaretlәrdәn
götürüb çәkirdi.
Onlar әvvәlcә çarpayının yerini düzәltmәk üçün tәdbir
tökdülәr, sonra yavaş-yavaş söhbәtlәrinin mövzusu dәyişdi. Çox
keçmәdi ki, müharibә haqqında danışmağa başladılar. Әslindә,
yazıçının özü mövzunu müharibәyә gәtirmişdi. Usta bir vaxtlar
Andersonvil hәbsxanasında mәhbus olmuş vә çox illәr әvvәl
qardaşını da itirmişdi. Onun qardaşı aclıqdan ölmüşdü. Bu haqda
danışmağa başlayanda ustanı ağlamaq tutdu. Qoca yazıçı kimi
onun da ağ bığı var idi vә ağlayanda dodaqlarını büzüşdürdüyü,
başını yellәdiyi üçün bığının uzun tüklәri dә yellәnirdi. Ağzında
siqaret ola-ola ağlayan qoca kişi kәnardan baxanda gülmәli
görünürdü. Axırda onların başı söhbәtә elә qarışdı ki, gördüklәri
iş yaddan çıxdı vә sonra usta çarpayının yerini öz bildiyi kimi elә
düzәltdi ki, yaşı altmışı keçmiş yazıçı hәr gecә yatmağa gedәndә
çarpayısına qalxmaq üçün ayağının altına stul qoymalı oldu.

15