Page 17 - anderson_Макет 1

Əcinnәlәr kitabı

Amma bu әcaib mәxluqların hamısının görkәmi dәhşәtli de -
yil di. Bәzilәri gülmәli, bәzilәri isә hәtta gözәl idi. Onlardan
birinin – öz görünüşünü tamamәn itirmiş bir qadının çirkin
görkәmi yazıçının ürәyini әmәlli-başlı ağrıtdı. O qadın әcinnә
kimi yazıçının gözlәri önündәn keçәndә yazıçı it zingiltisinә
bәnzәr qәribә bir sәs çıxardı. Kimsә otağa girib onun bu halına
tamaşa etsәydi, yazıçının nәsә dәhşәtli bir yuxu gördüyünü, ya
da dözülmәz ağrılar çәkdiyini düşünәrdi.
Düz bir saat bu әcinnәlәr yazıçını rahat buraxmadı, sonra bu
әzabların davamı kimi, yazıçı yavaş-yavaş çarpayısından qalxıb
yazmağa başladı. Әcinnәlәrdәn biri yazıçıya çox tәsir etmiş,
onun yaddaşına hәkk olunmuşdu. Yazıçı indi bu әcinnәlәri tәsvir
etmәk istәyirdi.
O, masası arxasında әylәşәrәk bir saat dayanmadan yazdı.
Hәr gün bu cür yazmaqla sonda bir kitabı bitirә bildi. Kitabın
adını “Әcinnәlәr kitabı” qoydu. Bu kitab heç vaxt çap edilmәdi,
amma mәn bir dәfә onu oxudum vә heç vaxt unuda bilmәdim.
Kitabda yazıçının әsas ideyası çox qәribә şәkildә tәsvir edilirdi.
Hәr dәfә o kitabda yazılanları xatırlayanda әvvәllәr anlamadığım
bir çox şeylәri vә insanları başa düşә bilirәm. Yazıçının әsas
ideyası belә verilmişdi:
Lap әvvәllәrdә, dünya hәlә tәzә-tәzә yarananda çox mәfhumlar
var idi, amma “hәqiqәt” mәfhumu yox idi. Bu anlayışı insanlar
özlәri yaratdılar. Hәr bir yeni hәqiqәt özündә çoxlu anlaşılmaz
fikirlәri ehtiva edirdi. Sonra dünyada çox şeyi bu anlayışlar vә
inamlar idarә etmәyә başladı vә getdikcә insanların gözünә
bunlar daha da gözәl göründü.
Qoca yazıçı öz kitabında yüzlәrlә bu cür anlayışın adını
çәkirdi. Mәn onlardan hamısını yox, yadımda qalanları demәk
istәyirәm: bakirәlik vә ehtiras, zәnginlik vә kasıblıq, qәnaәtcillik
vә bәdxәrclik, laqeydlik vә vәfasızlıq. Yüzlәrlә, yüzlәrlә bu cür
mәfhum sadalanır vә oxuduqca oxucunun gözünә dә cәlbedici
görünürdü.
İnsanlar isә hәyat uğrunda mübarizә apardıqca bu dәyәrlәrdәn
özlәrinә sәrf edәnini götürüb onlarla yaşamağa başladılar. Kimlәr
ki daha güclü idi, onlar daha çoxuna sahiblәndilәr.

17