Page 20 - anderson_Макет 1

Şervud Anderson

narahatlıqla qәsәbә yoluna baxmağa başladı. Bir müddәt belәcә
qaldı. Әllәrini bir-birinә sürtüb baxışlarını küçәdә gәzdirdikdәn
sonra ürәyinә qәfil bir qorxu doldu vә hasardan düşüb, tәzәdәn
bayaqkı eyvana qayıtdı.
Bu iyirmi ildә qәsәbәnin çözülmәmiş sirri olan Vinq Biddlbaum
Corc Villardla söhbәt edәrkәn utancaqlığını, qorxaqlığını bir
qәdәr unudurdu. Şübhә vә müәmmalar içindәki dumanlı şәxsiyyәti
belә vaxtlarda öz gizli dünyasından çıxıb bu dünyaya tәşrif
gәtirirdi. Bәzәn hәtta özündә cәsarәt tapıb gәnc jurnalistlә birgә
Meyn küçәsindә gәzirdi. Çölә çıxmadığı vaxtlarda isә evinin
laxlayan eyvanında o tәrәfә, bu tәrәfә gedәrәk Corca hәyәcanla
nәsә danışırdı. Bu zaman onun asta vә titrәk sәsi uca vә sәrt sәsә
çevrilirdi. Әyilmiş qәddini düzәldir, balıqçının çaya qaytardığı
balıq kimi qıvraq hәrәkәtlәr edәrәk danışır vә uzun illәrin sükutu
zamanı könlünә yığılan hiss vә duyğularını sözlә ifadә etmәyә
can atırdı.
O, çox vaxt әllә danışırdı. Әksәr hallarda ciblәrindә, yaxud
da arxasında gizlәtmәyә çalışdığı әllәrini bu zaman daha gizlәtmirdi
vә incә, sirli barmaqları fikrini ifadә etmәk üçün onun әsas
silahına çevrilirdi.
Vinq Biddlbaumun әhvalatı, әslindә, elә onun әllәri ilә
bağlıdır. O әllәr qәfәsә salınmış quşun durmadan çaldığı qanadlar
kimi cәld idi vә bunu görәn adamlar ona “Vinq” adını vermişdi.
Bunu Vaynzburqun hansısa namәlum şairi fikirlәşib tapmışdı.
Bu әllәr öz sahibini nәdәnsә çox narahat edirdi. Vinq cidd-cәhdlә
әllәrini gizlәtmәyә çalışır vә tarlada onunla birgә işlәyәn, yaxud
da yorğun atların qoşulduğu faytonları kәnd yolları ilә sürәn
insanların heç bir mәna ifadә etmәyәn, hәrәkәtsiz әllәrinә hәmişә
tәәccüblә baxırdı.
Corc Villardla danışarkәn o, yumruğunu düyünlәyir vә divara,
yaxud da stolun üstünә çırpırdı. Bu, onu rahatlaşdırırdı. Çöldә
olanda isә bir kötük, yaxud da taxta çәpәr axtarır vә yumruğunu
döyәclәyә-döyәclәyә daha rahat halda söhbәtinә davam edirdi.
Vinq Biddlbaumun әllәri haqqında, bәlkә dә, bir kitab yazmaq
olar. Әgәr yaxşı yazılsa, hәmin kitab bu sirli adamın qәribә
xüsusiyyәtlәrini, müsbәt keyfiyyәtlәrini üzә çıxarar. Bu kitabı
yazmaq әsl şair işidir.

20