Page 32 - anderson_Макет 1

Şervud Anderson

Meyn küçәsindәki mağazaların arxası, dar dalanlar vә Ebner
Qrofun çörәk dükanının dal qapısı görünürdü. Belәcә, bәzәn
kәnd hәyatının bu mәnzәrәsi onların gözlәri önündә canlanırdı.
Ebner Qrof әlindә ya çәlik, ya da boş süd şüşәsi tutmuş halda
çox vaxt dükanın arxasında dayanırdı. O, әczaçı Silvester Vestin
boz pişiyi ilә mübarizә aparmaqdan cana yığılmışdı. Pişik
çörәkçinin arxasınca gizlin-gizlin dükan qapısından içәri girir vә
çox keçmәmiş Ebner Qrof әl-qolunu ölçә-ölçә hay-küy salıb
söyüş söymәyә başlayırdı. Ana ilә oğul isә bütün bunlara maraq
içindә tamaşa edirdilәr. Çörәkçinin balaca gözlәri çox vaxt qızar -
mış, qara saçları vә saqqalı isә una batmış olurdu. Bәzәn Ebner
Qrof o qәdәr әsәbilәşirdi ki, pişik yoxa çıxandan sonra da sınmış
şüşә parçalarını, әlinә keçәn çur-çubuğu, hәtta dükandakı bәzi
alәtlәri onun arxasınca tullayırdı. Bir dәfә o, Sinninqin xırdavat
mağazasının arxa pәncәrәsini sındırmışdı. Boz pişik ara küçәlәrdәn
keçir vә içinә sınmış şüşә parçaları, kağız-kuğuz atılan, üstündә
milçәklәr uçuşan çәllәyin arxasında çömәlib otururdu. Bir dәfә
tәk olanda Elizabet çörәkçinin bitib-tükәnmәz hay-küyünә, qәzәblә
pişiyi qovmasına baxdıqdan sonra uzun, ağ әllәri ilә üzünü örtüb
hönkür-hönkür ağlamışdı. Daha küçәdәki davaya baxmamış,
saqqallı adamla pişiyin savaşını unutmağa çalışmışdı. Çünki bu
mәnzәrә bütün dәhşәti ilә ona öz hәyatını xatırladırdı.
Axşamlar Corc anası ilә otaqda oturarkәn araya çökәn sәssizlik
onların ikisini dә narahat etmәyә başlayırdı. Qaranlıq düşür,
axşam qatarı stansiyaya çatırdı. Aşağıdan küçәdәki adamların
ayaq sәslәri eşidilirdi. Qatar getdikdәn sonra stansiyanın hәyәtindә
dәrin bir sükut yaranırdı. Stansiya işçisi Skinner Lison perronda
yük arabasını sürmәyә başlayırdı. Meyn küçәsindәn deyib-gülәn
kişi sәslәri eşidilirdi. Kimsә nәqliyyat kontorunun qapısını çırpırdı.
Corc daha otaqda otura bilmir, ayağa qalxıb qapıya tәrәf gedir vә
dәstәkdәn yapışırdı. Bәzәn stula ilişir vә stulun ayaqları döşәmәyә
sürtülәrәk sakitliyi pozurdu. Xәstә qadın hәrәkәtsiz vә sakit
halda pәncәrәnin qarşısında oturmağa davam edirdi. Qansızlıqdan
ağappaq olan uzun әllәri stulun kәnarlarından yorğun halda aşağı
sallanırdı.

32