Page 31 - anderson_Макет 1

Ana

– Kәs sәsini, – qәzәbli baxışlarını әtrafda gәzdirәrәk bağır -
mış dı, – axı sәn nә qanırsan xidmәt nәdir. Hәlә ağzından süd iyi
gәlir. Gözlәrini aç, mәnim xidmәtimә bax! Mәn demokrat olmağın
cinayәt hesab edildiyi bir vaxtda burda, Vaynzburqda neçә il
demokrat olmuşam. Onda belә deyildi e, onda bizim hamımızı
tüfәnglә biçirdilәr.
Elizabetlә oğlu Corc arasında dәrin vә anlaşılmaz sevgi
bağları var idi. Bu sevgi onun qız vaxtı tutduğu arzuları, illәr
öncә ölüb gedәn xәyalları üstündә qurulmuşdu. Oğlu yanında
olarkәn o, çәkingәn vә özünә qapalı olurdu, amma bәzәn Corc
qәzetdәki işiylә bağlı qәsәbәyә gedәndә Elizabet onun otağına
gәlir, qapını bağlayaraq mәtbәx stolundan düzәldilmiş balaca
yazı masasının böyründә, pәncәrәnin yanında diz çökürdü. Sonra
onun gah dua, gah da tәlәb kimi göylәrә ünvanlanmış çağırışı
eşidilirdi. Qadın bir vaxtlar öz canında olan, indi isә yoxa çıxmış
bir daxili qüvvәnin tәzәdәn oğlunda peyda olmasını istәyirdi.
Onun duası da bununla bağlı idi.
– Mәn ölsәm dә, sәnә bir şey olmasına imkan vermәrәm, –
deyә uca sәslә duasına başlayır vә elә ürәkdәn dua edirdi ki,
bütün bәdәni titrәyirdi. Yumruqlarını möhkәm-möhkәm sıxırdı,
gözlәri par-par parıldayırdı.
– Әgәr ölәndәn sonra bilsәm ki, oğlum da mәnim kimi bu
dünyada bәdbәxt olub, onda tәzәdәn qayıdacam. Allahdan bircә
bu imkanı istәyirәm. Bunu ondan tәlәb elәyirәm. Әvәzindә nә
istәsә, verәrәm. İstәsә, başıma min bәla gәtirsin. Bütün әzablara
razıyam, tәki oğlum bu hәyatda özünә bir yer tutsun. Hәm özü
üçün, hәm dә mәnim üçün bunu edә bilsin, – sonra qadın
tәrәddüdlә susur, diqqәtlә oğlunun otağına göz gәzdirir vә
anlaşılmaz bir tәrzdә әlavә edirdi. – Bir dә, istәyirәm ki, oğlum o
qәdәr dә ağıllı vә uğurlu adam olmasın.
Corc ilә anası arasındakı münasibәt zahirәn dәrin bir mәnası
olmayan, formal ünsiyyәtdәn ibarәt idi. Qadın xәstә olanda,
axşamlar otağındakı pәncәrәnin qarşısında oturduğu vaxt Corc
ona baş çәkmәyә gәlirdi. Onlar pәncәrәdәn Meyn küçәsindәki
balaca, taxta binanın damına baxırdılar. Bәzәn başlarını çevirib o
biri pәncәrәdәn başqa bir mәnzәrәyә tamaşa edirdilәr. O pәncәrәdәn

31