Page 36 - anderson_Макет 1

Şervud Anderson

Tom Villardla evlәnmәzdәn әvvәl, hәlә qız vaxtlarında Eliza -
betin adı Vaynzburqda yaxşı mәnada hallanmırdı. O, bir neçә il
teatr hәvәsi ilә yaşamış, әyninә cәzbedici libaslar geyinәrәk
atasının mehmanxanasında qalan qonaqlarla birgә lovğa-lovğa
küçәlәri gәzmiş, qәsәbәyә tәşrif buyuran teatr truppasının üzvlәri
ilә uzun-uzadı söhbәtlәr etmiş vә onlardan yaşadıqları şәhәrlәr,
ordakı hәyat haqqında mәlumatlar әldә etmәyә can atmışdı. Bir
dәfә hәtta әyninә kişi paltarı geyinmiş vә Meyn küçәsinә çıxaraq
velosipedlә gәzmişdi. Qızın bu hәrәkәti bütün qәsәbәni heyrәtә
gәtirmişdi.
Sonralar o, bu etdiklәrinә qiymәt vermәyә çalışarkәn hәmin
vaxtlar gәrgin vәziyyәtdә olduğunu düşünürdü. Onun içindә
böyük bir narahatlıq var idi vә bu narahatlıq özünü iki şәkildә
büruzә verirdi. Birincisi o idi ki, Elizabet bir gün hansısa hadisәnin
onun hәyatını büsbütün dәyişәcәyinә ümid bәslәyirdi. Mәhz bu
ümidlәr onu sәhnәyә yönlәndirmişdi. O, bir gün bu sәnәtә
gәlәcәyinin, dünyanı gәzib dolaşacağının, yeni üzlәr, yeni simalar
görәcәyinin, içindәki hansısa istәklәri insanlara çatdıra bilәcәyinin
xәyalını qururdu. Bәzәn gecәlәr bunları düşünәrәk hәyәcanlanırdı,
amma Vaynzburqa gәlәn vә atasının mehman xa na sında qalan
teatr truppasının üzvlәri ilә danışmağa çalışarkәn o heç nәyә nail
ola bilmirdi. Onlar sanki qızın nә demәk istәdiyini anlamır, çılğın
söhbәtlәrindә nәyi nәzәrdә tutduğunu az-maz başa düşәndә isә
sadәcә gülür vә:
– Eh, heç nә sәnin xәyal etdiyin kimi deyil. Burda necә
maraqsız, cansıxıcıdırsa, oralarda da elәdir. Bu işdәn heç nә әldә
elәmәk olmur, – deyә cavab verirdilәr.
Vaynzburqa gәlәn qonaqlarla, sonralarsa Tom Villardla gәzәndә
hәr şey tamam fәrqli idi. Elizabetә elә gәlirdi ki, onlar onu başa
düşür, nә demәk istәdiyini anlayırlar. Kәndin kәnar küçәlәrindә,
ağacların altında onlar qızın әlindәn tuturdular vә qıza elә gәlirdi
ki, özü kimi onlar da hisslәrini, fikirlәrini ifadә etmәyә çәtinlik
çәkirlәr.
Elizabetin o vaxtkı narahatlığı başqa şәkildә dә özünü büruzә
verirdi. Bu zaman o, özünü rahat vә xoşbәxt hiss edirdi. Onunla
gәzәn kişilәri vә sonralar Tom Villardı Elizabet heç nәdә günah -

36