Page 37 - anderson_Макет 1

Ana

lan dırmırdı. Hәmişә eyni ssenari tәkrarlanırdı. Hәr şey öpüşlәrlә
başlayır vә çılğın ehtiraslardan sonra sükutla, peşmançılıqla, göz
yaşlarıyla sona çatırdı. Elizabet hönkürәndә әli ilә yanındakı
kişinin üzünü örtür vә hәmişә eyni şeyi düşünürdü. Ona elә
gәlirdi ki, qarşısındakı bu can-cüssәli vә saqqallı adam balaca
oğlan uşağına çevrilib vә bilmәk istәyirdi ki, nәyә görә o da özü
kimi hönkürüb ağlamır.
Elizabet mehmanxananın gözdәn kәnar bir küncündә yerlәşәn
otağında fәnәri yandırdı vә onu әlinә götürüb qapının yanındakı
tualet masasının üstünә qoydu. Ağlına nә gәldisә, dolaba sarı
getdi vә balaca dördkünc bir qutu götürüb onu da masanın üstünә
qoydu. Qutunun içindә kosmetika lәvazimatları var idi vә hәmin
qutu bәzi digәr әşyalarla birgә bir vaxtlar Vaynzburqa gәlәn teatr
truppasından qalmışdı. Elizabet qәrara gәlmişdi ki, indi mütlәq
gözәl görünmәlidir. Onun saçı hәlә dә qara idi. Başının әtrafındakı
hissәdә saçının bir qismi hörülmüş vә buruq-buruq olmuşdu.
Bir azdan aşağıda baş verәcәk hadisәlәri gözlәri önündә canlandır -
ma ğa başladı. Tom Villardın qarşısına kabusa bәnzәyәn, әldәn
düşmüş bir qadın kimi yox, gözlәnilmәz vә heyrәtamiz bir
görkәmdә çıxacaqdı. Çiynindәn şәlalә kimi axan gur saçları vә
kirşanlı yanaqları olan bu hündürboylu qadın iri addımlarla aşağı
düşüb mehmanxana müştәrilәrini heyrәtә gәtirәrәk birbaş Tom
Villardın otağına gәlәcәkdi. O qadın sakit görünәcәk, amma cәld
vә qorxulu davranmağı da bacaracaqdı. Balası tәhlükәdә olan
dişi pәlәng kimi kölgәlәrin içindәn üzә çıxacaq vә әlindә tutduğu
öldürücü silahla sәssiz-sәssiz, oğrun-oğrun düşmәninin önünә
keçәcәkdi.
Elizabet Villard boğazındakı acı qәhәri udmağa çalışaraq
masanın üstündәki lampanı üfürüb söndürdü vә halsız-halsız,
titrәyә-titrәyә qaranlıqda dayandı. Bir az әvvәl hansısa möcüzәnin
ona bәxş etdiyi güc-qüvvә yoxa çıxdı. Müvazinәtini itirib sәndәlәdi
vә üstündә oturub günlәrlә Meyn küçәsindәki evlәrin tәnәkә
damına baxdığı stuldan yapışdı. Bu vaxt dәhlizdәn ayaq sәslәri
eşidildi vә Corc Villard qapını açıb içәri girdi. Anasının yanında
oturub danışmağa başladı.

37