Page 81 - anderson_Макет 1

Möminlik

ayağa qalxdı. Onun sifәti quzunun yunu kimi ağappaq olmuşdu.
Oğlan yerindәn qalxanda artıq ayaqları açılmış quzu yamacdan
üzüaşağı qaçmağa başladı. Deyvid dә düşünmәdәn yerindәn
götürüldü. O, qorxudan quş kimi uçurdu. Alçaq kolların, kötüklәrin
üstündәn tәlaşla, dәli kimi tullanıb keçirdi. Qaça-qaça әlini atıb
cibindәn quşatanı çıxartdı. Çayın dayaz yerinә gәlib çatanda
gözlәmәdәn suya sıçradı vә geri dönüb, әlindә iri bıçaqla babasının
hәlә dә onun dalınca qaçdığını görәndә tәrәddüd etmәdәn yerdәn
bir daş götürüb, quşatana qoydu. Rezini var gücü ilә geri dartdı
vә havanı yara-yara uçan daşın vıyıltısı eşidildi. Daş düz Cessinin
başından dәydi. Әslindә, uşağın yox, quzunun dalınca qaçan
Cessi zәrbәnin tәsiri ilә sәndәlәyib, az qala, oğlanın ayaqlarına
yıxıldı. Deyvid babasının hәrәkәtsiz halda ölü kimi yerdә
uzandığını görәndә qorxudan, az qala, dәli olacağını hiss elәdi.
O, qışqırtı ilә üzünü çevirdi vә hönkürә-hönkürә meşәyә
tәrәf qaçdı.
– Vecimә dә deyil. Onu öldürdüm, amma vecimә dә deyil, –
o, ağlaya-ağlaya deyirdi.
Qorxu vә hıçqırtı ilә qaçarkәn Deyvid qәfildәn qәrara gәldi
ki, Bentli fermasına vә Vaynzburqa bir dә ayaq basmasın.
– Mәn Tanrının bir bәndәsini öldürdüm, indi mәn bu dünyada
özümә bir yer tutmalıyam, – Deyvid әzmlә dedi.
O daha qaçmırdı. Meşәlәrin vә düzlәrin içi ilә qәrbә tәrәf
axan Vayn çayının qıvrılan yatağı boyunca iri addımlarla gedirdi.
Çayın yaxınında yıxılan Cessi Bentli yerindә narahat-narahat
qurdalanıb, inilti ilә birtәhәr gözlәrini açdı. Bir müddәt sakitcә
uzanıb sәmaya baxdı. Nәhayәt, güc toplayıb ayağa qalxanda
çaşqınlıq içindә nәlәr olduğunu aydınlaşdırmağa çalışdı. Oğlanın
yoxa çıxdığını görüb tәәccüblәnmәdi. Yolun kәnarında kötüyün
üstündә oturub, yenә Tanrı haqqında öz-özünә danışmağa başladı.
Yenidәn Deyvidi xatırlayanda o, dalğın halda sәmaya baxaraq:
– Onu Tanrının göndәrdiyi mәlәklәr apardı. Çünki mәn çox
acgöz idim, şöhrәt ölüsü idim. Ona görә dә belә oldu, – deyә
dillәndi vә başa düşdü ki, demәyә bundan başqa heç bir sözü
yoxdur.

81