Page 84 - anderson_Макет 1

Şervud Anderson

dә gülәcәksiniz. Başa düşdüm ki, Medina әyalәtinә yağış yağıb.
Görürsünüz, nә maraqlıdır? Qatarlar, poçt, teleqraf belә olmadan,
biz xәbәr tuta bilәrik ki, Medinada yağış yağıb. Çünki Vayn çayı
ordan gәlir. Bunu hamı bilir. Gör e, deyirәm necә dә maraqlıdır.
Orda yağış yağır, bizә dә xәbәri Vayn çayı gәtirir. Öz-özümә bir
xeyli güldüm. Dedim sizә dә bir xәbәr verim, bilәsiniz. Gördünüz,
nә maraqlıdır?
Co Vellinq üzünü çevirib qapıya sarı getdi. Cibindәn bir
kitabça çıxarıb dayandı. Barmağını sәhifәlәrdә gәzdirdi. Tәzәdәn
bütün fikrini “Standard Oil” şirkәtindәki işinә yönәltdi.
– Hernin mağazasında kerosin azalıb. Gәrәk gedib bir dәyim,
– mızıldana-mızıldana iti addımlarla küçәyә çıxdı, sağından, solun -
dan ötüb-keçәn adamlara baş әyә-әyә mağazaya tәlәsdi.
Corc Villard “Vaynzburq İql” qәzetindәki işinә gedәrkәn Co
Vellinqlә rastlaşdı. Co Vellinq ona hәsәd aparırdı. Ona elә gәlirdi
ki, jurnalistlik işi sırf onun öz tәbiәtinә xas işdir.
– Bu, әsl mәnlik işdi, buna zәrrә qәdәr dә şübhәm yoxdur, –
Corcu Doertinin yem mağazasının qarşısındakı sәkidә saxlayar -
kәn dedi. Onun gözlәri parıldamağa, şәhadәt barmağı isә әsmәyә
baş ladı.
– Әlbәttә, mәn öz çörәyimi “Standard Oil” şirkәtindәn
qazanıram. Bunu ancaq sәnә deyirәm. Sәnә qarşı mәnim heç bir
pis niyyәtim yoxdu. Amma hәrdәn fikirlәşirәm ki, sәnin yerindә
gәrәk mәn olardım. Әlavә vaxtlarımda da bu işlә mәşğul ola
bilәrdim. Sәnin heç vaxt tapa bilmәyәcәyin xәbәrlәri dә axtarıb
künc-bucaqdan tapardım.
Hәyәcanlanmış Co Vellinq gәnc jurnalisti yavaş-yavaş yem
dükanına tәrәf sıxışdırırdı. Co yenә fikirlәr içindә özünü itirmişdi.
O, gözlәrini әtrafında dolandırır, arıq vә ürkәk әlini saçlarına
çәkirdi. Üzünә bir gülüş yayılır, qızıl dişlәri par-par parıldayırdı.
– Qeyd dәftәrçәni bir çıxar görüm, – Co bu dәfә oğlana әmr
elәdi. – Bilirәm, cibindә hәmişә kağızdan-kuğuzdan nәsә olur.
Yoxsa düz demirәm? Yaxşı, nә isә, yaz görüm. Әslindә, bu, o
gün ağlıma gәlmişdi. Hә, gәl çürümә haqqında yazaq. Çürümә
nә demәkdir? Çürümә od demәkdir, yanmaq demәkdir. Taxtalar
vә başqa şeylәr hamısı yanır. Heç ağlına gәlmәmişdi, hә? Әlbәttә,

84