Page 186 - anderson_Макет 1

Şervud Anderson

ÖLÜM

Hәkim Rifinin Hefner binasında Paris parça mağazasının
üstün dә yerlәşәn iş otağına getmәk üçün qaranlıq pillәkәnlәrlә
qalxmaq lazım gәlir. Pillәkәnin başında divara bәrkidilmiş şüşәsi
çirkli bir lampa var. Lampanın qalaydan olan reflektoru tozdan
vә pasdan qәhvәyi rәngә çalır. Hәkimin yanına gedәn xәstәlәr bu
pillәkәni özlәrindәn әvvәl buradan keçәn adamların ayaq izlәri
ilә qalxırlar. Pillәlәrin üstündә illәrin vә ayaqların nişanәsi olan
çöküklәr gözә dәyir.
Pillәkәnin başından sağa döndükdә hәkimin otağı ilә, sola
döndükdә isә qaranlıq dәhlizlә qarşılaşırsan. O dәhlizin qaran -
lığın da çoxlu köhnә vә yararsız әşyalar üst-üstә qalanıb: sınıq-
sal xaq stullar, nәrdivanlar, dülgәrlәrin ayaqlıq kimi istifadә etdiyi
taxta kәsiklәri, boş qutular vә s. Bunların hamısı Paris parça
mağazasına aiddir. Lazımsız әşyaya çevrilәn hәr şeyi şirkәtin
işçilәri hәmin dәhlizә atır.
Hәkim Rifinin otağı, tәxminәn, anbar böyüklüyündәdir.
Otağın ortasında yumru bir soba yerlәşir. Sobanın böyründә,
döşәmәyә mismarlanmış iki yekә, ağır taxtanın arasında kәpәk
qalaqlanıb. Qapının yanında bir vaxtlar Herrik geyim mağaza -
sın da sifarişlә tikilәn paltarların nümayişi üçün istifadә edilmiş
böyük bir masa var. O masanın üzәrindә hәmişә çoxlu dәftәr-
kitab, içki şüşәlәri vә cәrrahiyyә alәtlәri olur. Bәzәn Hәkim
Rifinin bağban dostu Con Spәnyardın otağa girәrkәn cibindәn
çıxarıb masanın üstünә qoyduğu üç-dörd qırmızı almanı da o
әşyaların arasında görmәk olar.
Ortayaşlı Hәkim Rifi hündürboy vә yöndәmsiz adam idi.
Ona yaraşıqlı demәk olmazdı. Qәhvәyi rәngdә bığı var idi,
sonradan saxlamaq istәdiyi çal saqqalı isә üzünü hәlә tam
örtmәmişdi. Yaşı artdıqca o, öz hәrәkәtlәrinә, oturuşuna-duruşuna
daha diqqәtlә fikir vermәyә başlamışdı.

186